تئی اکبری نامیں مزن
تہ لا شریک و لا طمن
تہ لامکان و بے وطن
تہ بے مثال و بے بدن
نئیں آف واڑتئے نیئں نغن
کَسّا نَئیثہ تئی حُسن
تئی قُدرتاں گُلّیں چمن
پیدا کثئے شاہ ِشہن
پر عالما بیثہ ضمن
آختہ وحی آڑتئی سمن
سینگھار ثﺅ بوریں بہن
فرمودغئے بیثہ رَوَن
بُڑزا سر ئے بالا شُذن
حُوراں ہوائی زُڑتہ جھنج
کُل مرحبا بولی کہن
رشا بُڑتئے دُرّیں دہن
آں دُرفشانیں گُل بدن
معراجہ تختا یک شفن
نورُ حضوراںخلوتن
جی شفقتانی ماہِ تن
چھترے جُڑی سائے سُبحن
ہفتیںتل و چین و یمن
شمس و قمر لوح و قلم
لولاک ِتو زیر ئے قدم
بازیں سُخن گوئی ختم
تئی تورواں لکّھ و پدم
کورا را درکاراں دو چم
روحاں کثہ روشے وچن
تﺅ خالقُ و مخلوق من
سیپارہاں گُوشتئے صفن
پیدا شتئے کُلِّ وزن
ایشاں کنو آنہاں مخن
اول آدمااشتہ وطن
ڈاڈا یہ مئے کُلہ مزن
یکھ دانہ ئے بیثئی خطن
جر ایر کثﺅ پوشاک ِپن
ہرکے گُرے آ مڑدو زن
جُوانسالؒ غریبیں پیرسن
جاں جو کویں دستا مجن
حرصا جثئے بازیں جتن
پھیلو نئیں جانا کفن
روشے مر ئے بی ئے دفن
بیزار بی آں چک و جن
اوذ ا مِلں ایذ ئے رقم
دستہ نوی آں باز وکم
عرض ایں لٰہی دم پہ دم
رحمن ِتو ڈوھدار ہم
چماں رہ کئے لَجّ و شرم
اللہ و اللہ تئی کرم
اِسلام مئے دین و دھرم
آں کلمہ گوں آں بے اغم