زی تو دنزاں پےڑاہانا
گوں وتی واہشانی گنگدامےں لشکر ا
منی چمّانی راہا گوستئے
نہ دروتے، نہ توارے
نہ منی نےمگا چار اِت
من دردئے بےنگےں زےمرے بوتان و رچگ لوٹ اِت
کہ تئی بے ھاجتےں پادانی سروزاں
منا امباز اِت
زےمرانی بانزلاںمنا چو شاہینا چامپ اِت
او زہیرانی زروانے آ دَور دات
من سما کُت شپئے استال چو کﺅر ا ہار کنگا اِتنت
او منی چادر ئے لمب گران تر بُوّان اَت
من جےڑ اِت
کہ گرنچا پچ بکناں
او گِلّہاں برےچاں
بلئے گرنچ کہ بُتک
منی آتراپا جلگہےں شہرے شِنگ اِت
تو چہ شہرا دُور
اوشتاتگ و منا چارگا اِتئے
او شہر ئے تےوگےں ندارگ
تئی رنگ اِتنت