گوئزیت امروز ہمک پیما
نہ مانیت وھد یک پیما
بلے اِ ے دھر چے لوٹیت
دُرھا جاور تئی دیما
کسے بے مقصد ا زندگ
کسے آ منزلئے شوہاز
کسے بس لاپ والینیت
کسے وَ رُپت و روپا اِنت
کسے مرکا بہا زوریت
کسے ئَ را کننت بیگواہ
کسے ئِ ٹپ و ٹوریں جون
کپیت ویرانگاں ڈیھئے
مروچی من ہمے پیمیں
ھیالاں گوں سروچیراں
مئے سنگت و بیل و یار
مئے پیرو کماش ورنا
نہ اِنت بازینے مئے نیاما
بلے لہتیں ہما انت کہ
نہ بنت بے ھال کدی آ ھم
کہ آھاں زند وتی گوازینت
پہ رُژن و روژنائیا
پہ مہر و مہروانیا
وتی زند اچہ سر گوئستنت
وتی ہیسی سراِش داتنت
پہ ہنچیں مادنیں راہے
کہ رُژن ئِ منزلا سر کنت
کہ منزل آ مرادانی
آ منزل زندمانی ئے
ہمے انسانئے راہشون اَنت
ہمے راجئے وتی دوزواہ
پمیشاں پہر بندیت زند
ہمے است و ابد مان اَنت
ہمے است و نمیران اَنت