نصیر تہو بہ ئِ تا چینتئے پمیدان ادب تورا
شعور قومان دیان لفظ تہے بہ ہر وہد و بہ ہر دورا
وتے عمرا بہ گوازینتئے بہ جیل و بندو زنجیران
قلم جنگیت تہی ہر وخت گوہر ظلم و گوہر زورا
وطنا ءوتی لیلا و قوما زانتگئے شیرین
گوہر کو چگ ترا عشق ات گوہر کوہ و گوہر کہورا
اگر طوسی گوشاہنامہ بہ کرت زندگ ادب فارسی
تہی گلبانگ و گرند ہر دور ریچان دُران گووت ہورا
اگر شاعرِ زندانی گوشنت مسعود سلمانا
شہ مچھا تادیگر جیلان نشان گندن تہی مُھرا
اگرما نیت جھانِ تہا بلوچ یا بلوچ زوانی
بہ تاریخ ادب چاریت تہی نا ما خطے سورا
صفتان تئے گوشگ مشکل کہ بازوبے شمارہستنت
شکیبا ! لفظ بہ بوت محدود و تعریفی نہ بوت پورا
