ریڈیو چکا مڑدے
گرمیں بحث اَنت
گوں کئے آ؟
منا سمانَیں‘
پرنواں کہ ۔۔۔۔۔۔عواما گوں
مڑدبلاّں ٹو کاکنت
آنہیا ہمشی مزوری ڈہی!
’’ ریاستہ طاقت
اوریاستہ اتھارٹی
تیاریا اوشتنت
پہ شمئے خیالداریا۔
نعرہ بازی مردہ باد!
پرّینیں وثی بینراں!
ہر کس ہیکم ایں
آسودہیں
وہشیں‘‘
یک مڑدے کافی شاپا
نفرتا گوں تُکے جنت
ڈھیرازورا گوں لغثا جثیا
دنزانی اندرا
دیثئی چیارمں کنڈاں، سغرہشاریّا
لوڈینتو گوئشتئی
’’ آں گنڑنت کہ مار پرامتہ کننت،
بینگانی بچ!
بلے ھذا آ
پاکیں کتابا
نہ لکھثہ چہ کہ
مخلوقہ توارخذائے تواریں ؟‘‘
’’تہ راست گشئے!‘‘
گوئشتہ شذی ایں
لڑزوخیں ورنائے آ
’’ ہماں دروغے نہ اث چہ
ہماں گوئشتغہ ترا
نوزدہ صدو
پانزدہا؟
’’ بلے مرشی‘‘
اغر مارگشنت پہ مرغا
اغر مار مجبور کننت پہ
تیرانی فائراں،
چھڑواحمق راضی بنت
دانڑتی دہ وختیں
کہ ماوثی ٹوکاکنوں
’’او اشیں مئیں عقیدہ
اے خاطرا کہ مئے نغن
سیاہ تریں ژہ غما،
او تیلہ دُنگ
ہورگیں:
گوئرما چھڑو یک نعرہ اے۔۔۔۔۔۔
دہشت مرد باد!
یو ایس ایس آرہ سنگت بی ایں !‘‘