گوں شما ر فت انت شپ جتیں دیوان
چھال گری، ہلک و میتگانی مئے
میٹر بلوچی و سانگ و سانگبندی
دور تواریں دھول و چاپ ہارانی
کوہسری لیکو، ماں شپانکانی
بزگر ئے ڈیہی امبا میدانی
بہارگائی سیل و سواد ملکانی
گوئستگیں عہدئے رفتگیں مردم
بیا بچار مرچی نوکیں دنیا آ۔۔۔۔۔۔
میش بے شوان و ہلک و یراناں
ہر کسے جند ئے لوگے بندی انت
کسہہ و زہیرؤک گوستے آدینک انت
موتک و ڈیہکو چو شما گارانت
اشترئے مہاری پچ درنجوک انت
داری ئین رہَت ئے گوں رمیزان انت
سیال و سیالداری کسہ ئے کہنیں
مہر ماں آپے تہا نبشتہ ئے
گوئستگیں عہدے رفتگیں مردم
زر و کلدارئے دور باریگ انت
اچ وتی کاراں کئے میاریگ انت
ہون انسان ئے آپا ارزان انت
برات گوں براتادستگر یبان انت
گوئستگیں عہدے رفتگیں مردم
گپ شمے درائیں کشک آسنگانی
دیمروی نام انت نوکیں جنگانی
ایمنی واب ئے عہدے چمانی
ایمنی واب ئے عہدے چمانی
