ہماں رشیف ٹوکانی خرید وقیمتے نیستیں
گِراکاں شہ اصل گرانیں ہمنگیں دولتے نیستیں
اے تانہافے بُنابے ہو روآفا رُست طُوویٰ درشک
شہ کُلیں کوہ سلیمانا من چوشیں دُرصفت نیستیں
رسولئے اُمتی نیاما ھزاریں لعلاں جلوہ گر
جدائیں رنگ و وشبوئے اِے چوشیں صورتے نیستیں
تہاراں درنشیں ھلکاشہ بیت استار خجل بی انت
وخے تاباں بھیرا روشن ایں ماہِ طلعت نیستیں
حُذایا دست کھذؤ ٹا ہینتہ ربی حکمت رنگ انت
مالِ حُسن ورعبارا تی کمّی قدرتے نیستیں
ہماں یک بُت خیالامئیں شف وروش پھولغاانت چھہ
پھذا دنیا ئی پہ گرزانا تی ھنچی فرصتے نیستیں
دلئے نیا مامن نِشتونامہ لکھتہ تھنگویں حرفاں گوں
ہمے ناما سو مندوست شعراں سر نوِشت نیستیں
رشیف ،بے عیب
گِراک ، خریدار
تانہاف ، بے آب
خجل ، شرمندہ