ج:۔ ترا وتی کسانی یات کنت؟
پ:۔تو وَ سھیگ ئے کہ منی چم کسانیا ھراب بیتگ انت۔من وہدے کسانیا دلا کاراں منا ایوک کتاب وبُت فوٹو)گندگاکاینت۔)
منی یات منی ملکاچہ بندات بنت کہ اشاں چہ اسیشیا،یورا گوئے و ارجنٹینا ئے اسپ سواری دنیگا منا یات انت۔منا وتی پت و مات و وتی آلوگ یات انت کہ آنہیا مزنیں کاپر و چاپڑائے ھست ات،کہ اودا من ہر چیز شری ئے سرا بزاناں۔منا وتی لوگ ئے بزانت بلد و انسائیکلوپیڈیا ہم شریایات انت۔ و چیمبرزانسائیکلو پیڈیا ،یا امریکی انسائیکلوپیڈیاکہ آہانی تہا رستر و اہرام ئے بُت مان اتنت۔
ج:۔ترامردماں چہ گیش کتاب یات انت۔
پ:۔جی ھؤ۔پرچاکہ من آہاں دیست کناں۔
ج:۔تو مردماں گوں ہور نہ بیتگ ئے؟ترا وتی کسانی ئے مردمے یات بیت؟
پ:۔ھؤ۔منی چیزے وانگجاہئے سنگت کہ بیونس آئرسا ات ۔اشاں چہ ابید وتی مات کہ نود و یک سال ئے اُمرا رستگ، و منی گوہار کہ منا چہ چار سال کستر انت،آبت سازے ۔منی گیشتر یں مردم مرتگ انت۔
ج:۔تو وتی باندات ئے باروا پگر کتگ؟منی گشگ ایش انت کہ تئی پت رہبند زانتے بیتگ،تو…….. ؟
پ:۔منی پت ہم ادبی مردمے بیتگ،بلے آاے پڑا بے سوب بیتگ۔ آنہیا چندیں شریں سانیٹ نبشتگ۔بلے آنہی گپّ ہمیش ات کہ من وتی اے ادبا آپسرے سرکت نہ کناں ۔ آنہیا منا مدام گوشتگ ات، اشتاپ مکن۔
ج:۔بلے تئی ہما زمانگا چہ چیز چاپ بوہان انت وہدے تو ورنا بیتگ ئے۔ کساس بیست سال ترابیتگ ات۔
پ:۔ھؤ،منا یات انت منی پتاگوشتگ ات ’’اشتاپ مکن‘نبیسان بکن بلے تو اشتاپ کنگا ئے۔تو زیان بہ ئے۔چیزے وہد چاپ بوہگا رندبمار کہ ہرچی تو نبشتگ آچنچو شرنت و آنہی ارزشت چی انت؟شر نبیسگ ئے جھدا بکن ۔۔۔۔بہ نبیس۔۔۔
ج:۔تو کدی نبیسگ بندات کتگ؟۔
پ:۔من کسانیا چہ نبیسگ بندات کتگ۔من انگریزیا کسھانی مائتھالوجی سرا کتابے نبشتگ ات۔ کساس دہ تاکدیم ئے کتابُکے ات۔پرشتگیں انگریزی ئے تہا ات۔اے اولی چیزت کہ من نبشتگ ات۔
ج:۔گڑا راست بیت کہ تو کوھنیں کسھانی ندکار و رجانکارے ئے؟
پ:۔اناّں،اناّں ،اے کتاب ئے تہا ہمے گوشگ بیتگ کہ ہرقل نیمیائی(NEMEAN ) شیرا جنت و کشیت۔اے کار و کرد ہرقل ئے دوازدھ جوانیں کرداں چہ یکے۔
ج:۔تو کدی چو جیڑاتگ کہ ترا ادب دوست نہ بیت۔
پ:۔اناں،کتاب ئے نبیسگاچہ پیسر ہم من یک ندکارے ئے بستارا جیڑتگ ات۔وہدے من ہچ نہ نبشتگ ات،من آوہدا کتہ کاریں ندکارے ئے پیما پگرنہ کتگ ات۔بلے منی بھت یا تالہ ادبی وڑ و پیم ئیگ ات۔ اناں من کدی نہ جیڑتگ کہ منی ھستی دگہ چیزے بیت۔
ج:۔اول سرا چہ بگرداں انیگا تئی درائیں کتاب اندگہ کتاباں چہ گوشے بدل زرتگین انت۔
پ:۔جی ہو اے راست انت۔پرچا کہ من کتاب واناں۔کتاب ہچ وڑا تجربت،سپر یا مہر ئے جزبگاں چہ کم نہ انت۔ منی دلا وہدے من برکلے، شا، یا ایمرسنا واناں۔ اے ھکّی ئیں تجربتے آ چہ کم نہ انت۔چوکہ من لندن ڈکنسا چہ ماراتگ و باز مردم ھک و دلی زند ئے درانگازیا سک جوان انت ۔چوکہ دنتان ئے درد،سر ئے درد یا سپر ئے ھالا وش درانگاز کن انت۔دومی نیمگا زندمانی ئے واب ومسال انت کہ آھانی مانا ازم ئے تہا انت۔بلے من ہمے سرپد باں کہ اے اوشتاتگیں آپئے دو گشینیتگیں بہرانت۔من ہمے سرپدباں کہ ہرچیز زند ئے چد بہرے۔مسال ئے اے ہبرا کہ من مرچی وتی لوگیاگوشتگ کہ من باز سپرکتگ بلے من چونہ گوشتگ کہ من درائیں دنیا ئے سپرکتگ۔بلے درائیں روایرشت،اناں۔۔۔من بیونس آئرس ئے Slum سرا کدی شیئر نہ گوشتگ کہ منی مزنیں بُنگپے۔منی دلدوستیں بنگپّ چو کہ منا نیویارک سک دوست بیت۔بلے من کدی چو نہ گوشاں کہ نیویارک ئے باروا بہ نبیساں بلکیں چندیں بازار و دمکانی باروا بہ نبیساں۔
ج:۔تو نبیسگا چہ ساری وان ئے؟۔ یا وانگ و نبیسگ دوئیں ہور انت۔
پ:۔من ند کارے آ چہ شرتر یک وانوکے یاں۔بلے1954 آ چہ منی چم نزور بوتگ انت۔منا بہ وانیت و اش بُکناھینیت چوشیں کس نہ بیتگ۔بلے ہمے پیما شرات۔آوہدی کہ من دیستگ ات اگاں نیم کلاک انچو گوستیں من گنوک بیتگ اتاں۔پرچاکہ من وانگ لوٹ اتگ ات،بلے نی من مزنیں وہدے بیت ایوکاں۔من نی ریل ئے دراجیں سپر ئے باروانہ جیڑاں۔نی منی دلا اے گپّ ہم نئیت کہ ھوٹل یادگ ئے سرا تر و تاباکسے منی ہمراہ بہ بیت۔ من نی لوٹاں سجئیں روچ پہ جیڑان و پگر بہ کناں۔اے بگندے بٹاکے بہ بیت۔
ج:۔تو کدی پگر کتگ تو زنداچہ دلسیاہ بیتگ ئے۔
پ:۔منی ھیالا کدی اناں۔یک وارے من دہ روچئے ہاترا نادراہ جاہابیتگاں وتی سرین ئے بُرّ و بین ئے واستہ۔نہ دلا ترسے اتکگ نہ دل سیاہ بیتگاں۔
ج:۔تو (Dis Cussion )کتاب ئے تہا تامُر ئے سرا ایراد گپتگ زاناں آوہدا ترا پہ تامرا چوق باز بیتگ؟۔
پ:۔جی ھو۔
ج:۔تو تامرانی سکرپٹ ہم نبشتگ۔
پ:۔جی ھو،بلے دراہ بے سوب بیت انت۔البت کتابے ئے تہا چاپ و شنگ بیتگ انت۔
ج:۔تو پدطبیعاتی ندکارے ئے۔بلے بازیں ندکارے ھست چوکہ جین آسٹن یا فٹر جیرلڈ شیو و اے دگہ مردم،اے مردم سینکلرلوئیس پد طبعیاتی پگر ئے نہ اتنت
ج:۔تو فٹر جیرلڈ ئے گپا کن ئے۔ اے کجام فٹرجیرلڈانت ،ایڈورڑ،فٹرجیرلڈ(شاعر) یا اسکاٹ فٹرجیرلڑ(ناولسٹ)
پ:۔من رندئیگ ئے گپا یاں ۔من ہمایانی ناما گرگا یاں کہ آھچ رنگا پد طبیعاتی پگرے نہ دارنت۔
ج:۔آمدام تلگ و ترمپلیں پگرے آگوں بندوک اتنت۔
پ:۔ہوبازیں مردمے کسان و گونڈیں پگرے آگوں زندگ ات و بازینے مرتگ انت۔
ج:۔بزاں آ انچو یلہ انت،چیز کہ ھما وڑ اہست انت ھما وڑ زیرنت ئے۔آھچ چیزے آ شوہاز نہ کن انت۔
ج:۔ہنری جیمس و کافکا تو پرچا وتی رھدربریا زرتگ انت؟
پ:۔من ہمے سرپد باں (اسل گپ ہمشنت)کہ آمنا دوست بوتگ انت۔منی ھیال انت کہ اگاں ما چیزانی باروا شکی یے بباں گڑا چوشیں شکّی بوہگ بے مانابیت۔اے بے مانائیں کا سماس(کائنات) و ہرچیزے ئے باز در وپہنات انت کہ پورئیا درانگازگ نہ بنت۔ ہنری جیمساوتی براتا نبشتگ کہ دنیائے ہستی مروارد و گسدانی میوزیمترسناکی ئے میوزیمے۔منی دلاہم دنیا انچیں جاہے۔
ج:۔ہنری جیمس کارست سازی کنت بلے کافکا ئے گورا کارست سازی نیست۔بندراکافکا شاعریاگوں نزیک انت۔ و کارست سازی ئے منوک نہ انت۔
پ:۔اناں چو نہ انت۔
ج:۔تو کدی جیڑاتگ کہ تو شاعریا چہ گیشتر کسّہ نویسگا سوب مندئے؟۔
پ:۔من دوئیناں سوب منداں۔بلے من کدی نہ جیڑاتگ کہ اشانی نیاما تپاوت چے انت۔یا اے کہ اے دو جتائیں کشک انت۔بلے من اے گپا زاناں کہ منی ھیال پہ شاعریا شرتر انت یا ردانکا پہ۔کدی کدی اے گپ گوشے دروگے بیت۔ کدی کدی اے یک نیمگی گپے بیت۔منی جیڑگ ئے وڑ وپیم ئے تہا با ز تپاوت نیست۔منی گپ بندرا منی ردانک یا شاعری ئے تہا درانگازبیت۔اے گپ انچو ہژدری نہ انت۔تو گشت کن ئے کہ اے راستی ئے کتاب انت۔توری آپُربوتگیں آسے بیت کہ سہر و انگر۔
ج:۔یک رندے تو منا گوشتگ ات کہ تو وتی دلا چہ جیڑاتگ کہ اے دنیا بے ناولابیت کنت بلے بے کسّہ وشعرا نہ بیت۔توفلسفہ ئے باروا چی جیڑھے؟۔تو چو گشت کن ئے دنیا بے فلسفہابیت کنت۔
پ:۔من ہمے پگر کناں کہ ما مردم کہ بے فلسفہا زندگ بنت آبندرابزگ و وارین زندگی یے گوازینگا انت۔چو نہ انت۔منی ھیالافلسفہ مردماں انچو کمک کنت کہ آچہ وڑا زندا بہ گوازینیت۔چوکہ اگاں تو بہ جیڑہے کہ زند یک وابے ،گڑا تئی اے ھیال باز وھدا ترسناک ومانگیشتگیں چیزے بیت۔ کدی تو چو مارے کہ تو یک ترسناکیں وابے آ گوں زندا گوازینگا ئے۔
ج:۔تو وتی یاتا یک رندے لورکاؔ آگوں دوچار کپتگ ئے۔یا اشیا چہ رند ہم تو کدی لورکا دیستگ؟۔
پ۔اناں۔
ج:۔ تو ژاں پال سارتر اگوں ہم دوچار کپتگ ئے۔اشیا گوں پدا دوچار کپتگ ئے؟
پ:۔اناں۔سارتر لورکا آ چہ زانندگ ترانت۔لورکا آ مارا ہبکہ و ہیران کنگ لوٹ اتگ ات۔ آنہیا منا گوشتگ کہ من(لورکا)مرچیگیں دنیا آپریشانی پیداک کنوکیں مردمے آں۔
ج:۔پابلونرودا ئے باروا تو چے گوش ئے۔تو کدی آدیستگ؟
پ:۔من یک رندے دیستگ۔آوھدا ما دوئیں ورنااتیں۔پدا ما ہسپانوی زبانا گپ و تران کتگ۔مئے گپ اے رنگا ات کہ نی پہ کنگا ھچ پشت نہ کپتگ۔پرچا کہ زبان بے وڑ و بے ڈول انت۔من گوشتگ ات کہ دگہ راہے نیست۔ ہسپانوی ادب ہچے نہ انت؟راستیاَہم ہچے نہ انت۔پدا مادوئیں پاداتک و وتی راہ گپت۔اے انچاہیں کندگی گپت و ترانے ات۔
ج:۔بلے من زاناں تو آنہی شاعری ئے واہگدارئے۔
پ:۔من ہمے سرپد باں کہ آمزنیں شاعرے۔بلے پہ مردم و انسان من آنہی واہگدارنیاں۔من ہمے گوشاں آکینگی مردمے۔
ج:۔تو چون گوش ئے۔
پ:۔ آنہیا گوریچانی امریکہ ئے زوراکی ئے باروا کتابے ات کہ آنہی تہا آنہیا امریکہ ئے بگیرا بازیں شعرے نبشتگ ات۔نی وَ آنہیا سما بیت کہ آدراہ پوچ انت بلے آنہیا پرون(PERRON) ئے سرا یک لبزے آہم ایراد نہ کپتگ(بزاں آنہیا تشے ہم پرون ئے سرا ایراد نیاورتگ ات)پرچاکہ بیونس آئرس ئے عدالتا آنہی سرا داوائے ھست ات۔رنداآنہیا منا گوشتگ کہ من گپچلے آ کپگ نہ لوٹاں ۔ آنہی چرے گپا مردم کمے دلگران ہم بیتگ انت کہ نروداا پرون ئے سرا تشے ہم ایراد نیاورتگ۔ آنہیا ارجنٹینائی جنینے آ گوں سیر کتگ ات۔ آنہیا اے گپ ئے سما گورات کہ آنہی بازیں سنگتے زندانا انت۔ آنہیا مئے ملک ئے باروا باز زانتگ ات بلے آنہیا آنہی خلافا لبزے ہم نبشتگ نہ کتگ ات۔ہمے وھدا آنہیا پہ امریکہا باوستے بندات کتگ ات۔ آنہیا زانتگ ات کہ منی گپ دروگ انت۔نرودا شاعرے مزنیں ۔راستی ئے مزنیں شاعرے۔وہدے 1968 آMigueld Asturias آ نوبل داد دیگ بوہگا ات گڑا من گوشتگ ات کہ اے داد پابلو نروداآرسگ لوٹیت۔
ج:۔چہ ڈارون ئے ردوم ئے لیکہا تئی نبشتانکانی سرا اسرے کپتگ؟
پ:۔منی ھیالا چو نہ انت۔البت منThe origin of spceics ونتگ۔
ج:۔وتی سیاسی لیکہ ئے باروا چیز ے بگوش۔
پ:۔ من مدام چہ سیاستا دور بیتگاں۔منی ھیالا سیاسی ہساباکسے آ ہم چیزے سوج دیگ نہ بیت۔چوکہ دراہ زان انت،ہٹلر،صیہونیت،فاشزم و کمیونزمئے ہورا من Ferron آ ہم منّاں۔
ج:۔ تو کمیونزمانہ منّ ئے۔
پ:۔ھو۔پرچاکہ من ہمے ھیال کناں کہ نفرمھکم بیت گڑا ریاست نفرا چہ گیشتر ارزشت داریت۔نی من کوھنیں رھبندانی واھگداراں بلے منی ملکا کوھنیں رھبندانی واھگداری ئے مانا ایش نہ انت کہ دگہ چیزے مہ منّاں۔کوھنی ئے ادا مانا لبرل(رژناہ پگری) انت۔ارجن ٹینا آ کسے ھم چو ھیال نہ کنت کہ کوھن دوستی فاشزم انت۔ترا راست بگوشاں ارجٹینا آ سیاسی کوھن دوستی بندر ا اشکر ئے سراایرانت۔کوھن دوستی ئے مانا دگرے۔من کدی چو ھیال نہ کناں کہ ندکار وتی باروا سیاسی چست و ایراں چہ وتی بُتے بہ سازیت۔منی نزّا نیکراہی ھسابا ہم وتی گیشینگ جوان نہ انت۔اَنچو راست بزان ئے من کیھتولکے یاں۔
ج:۔ بیستمی کرن ئے کجام فلاسفراں تو دوست کن ئے؟۔تو چریشاں چہ کسے ئے پدگیری کتگ؟۔
پ:۔اناں۔منی ھیالا برگساں۔تو زان ئے ولیم جیمس بیستمی کرن ئیگ انت یا نوزدمی کرن ئے؟۔ہچ وڑا اناں۔آوَ مئے دور ئے مردم گمان بیت۔من آباز رندا ونتگ۔ آنہی نبشتانکاں چہ منا سکین رستگ و آنہی نبشتانکانی تہا منا وتی تب ئے بازیں چیزے رستگ۔مروچاں برٹرنڈرسل ئے باروا باز گپ جن انت۔ہستی ئے فلاسفراں چہ دمبرتگاں۔نی منی دل آنیمگ ئے نہ گوشیت۔منی دلا سارتر ئے عزت دنیگا بازنت۔من ہمے گوشگا یاں کہ آنہیا وتی تاکبند ئے تہا منی سرا ایراد گپتگ۔من وھدے پیرسا سارتراگوں دوچار کپتاں منی دلا ہمیش ات کہ آمنی باروا باز چیزا سھیگ انت۔ بلے مازیت یک و دومیگا چہ شزار بوتیں۔منا کدی ہم آنہی فلسفہ گوں شوقے نہ بیتگ۔نہ کہ شاعری ئے وڑیں فلسفہ اے آگوں نزیکی یے بیتگ۔ اے وجودیت فلسفہ بس وتی کسّہا بیان کنگ ئے دلوشی یے۔من اشانی دورنگیں ھیالاں چہ پریشان اتاں۔ آھاں ھدا ئے باروا گپ جتگ و اشیا ابیدکریگارا چہ ہم دمبرتگاں۔ آانچو مزنیں ندکارے بلے آنہیا پہ منی دلا چوشیں جبزگے نیست۔
ج:۔ہائیڈیگر ئے باروا چے گوش ئے۔
پ:۔ہائیڈ یگر سلّیں جرمن زبانے آ نبشتگ کنت(بزاں زبان اش ھراب انت)وھدے من اے سرپد بیتگان کہ آناتسیانی پلّا مرزے بیتگ من گل بیتگاں(آخر بدیں زبانے ئے نبیسوک ناتسی بنت)۔
ج:۔تئی ھیالاوجودیتانسانا نکس داتگ؟
پ:۔منی ھیالا وجود یاں وتی سراھدا چہ گیش پہر بستگ۔
