ڈینس ڈٹن: واجہ آ کجام فلاسفر بوتگ اَنت کہ تئی کار ئے سرااثر ے دور داتگ و آہانی توکا تو سکّا دوست دارگ بوتگ ئے؟
بورخیس: آبرکلے او شو پنہاربوت کن اَنت۔ بلے منی ہیالا ہیوم ہم توکا آرگ بیت پرچا کہ ہیوم الما برکلے ئے ھلاپارَوت۔بلے چوناہا آچہ برکلے آ پیداک اِنت، بلّے کہ بیرکلے چہ لوکؔ پیداک اِنت۔تو بلکیں ھیال کن ئے کہ ہوم، بیرکلے و لوکؔ اڈ ئے توکا سئے ردا پیداک اَنت۔بلے فلاسفی ئے توکا کسّے کسّے ئے ہلاپا رَوت، گڑا اڈ ہمائیا گون اِنت۔
MP-R:شو پنہارچہ کجا اتک؟
بورخیس: شو پنہارچہ ہوما جِتا اِنت۔الّم شوپنہاروتی will ئے لیکہ گون اَت کہ اِے ہوم ئے توکا نیست اَت۔بلے برکیلے ئے گپّ دگرے اَت،منی دلا آنہیاہمے ہیال کتگ کہ ھدا ہر چیز ئے بابتا ہر وھدا سئی اِنت۔اگاں من چہ آنہیا رد مہ باں گڑا منی مانا ہمشیں ا کہ اگاں من و تو چرئے بانا در بیا ایں، گڑا اِے بان گار بیت؟۔انّاں، پرچا کہ ھدا ایشی ئے بابتا ھیال کنگا اِنت۔
نو شوپنہارآ گپّ اداکیت کہ من وانگااتاں
, The World as Will and Idea، وانگا پد من اجکّہ بوتاں یا تو گُشت کن ئے کہ من ابکّہ بوتاں کہ یک چیزے شوپنہارئے توکا ہروھداکیت و کیت۔بوت کنت کہ اِے ند ئے لگوشگے بوتگ بلے آ سکّیں پہازوکیں نبشتہ کارے۔ من سرپد نباں کہ اِے ند ئے لگوشگ اَنت۔پہ درورا آ بندات کنت گوشگا کہ اِے گیدی، اِستال،دوئیں پلک و ویلے نٹانی زہنا ابید دگہ ہچ جاگہا ھستی نیست، پرچا کہ زہن اِشاں ماریت۔تو چئے گوش ئے؟
MP-R: ھؤ۔
بورخیس: بلے پدا ، منی نزّا تو ایشیا منا گیش وگیوار کت کن ئے و دات کن ئے، پرچا کہ تو فلاسفرے یے و من نیاں۔شوپنہارگشی کہ اِے توامیں چیز کہ انّو گوشگ بوتنت، تہنا زہن ئے توکا اَنت۔ منی نزّا من اِے گالاں دلا آرگا آں، وت نہ ساچگا آں اِے کہ گیدی یک زہنی چارگے۔ و وھدیکہ من آ ونت، من اجکّہ بوتاں۔پرچا کہ اگاں تو گیدی ئےِ باروا ھیال بکن ئے، منی نزّا انچوکہ ماہ و اِستال دری دنیا ئے بہراَنت، ہمے ھسابا زہن ہم دری دنیا ئے یک ٹوھیں بہرے۔ پرچا کہ زہن من سرپد باں چارگ ئے، مارگ ئے و سسّا ئے وڈ اِنت۔بلے آ جاہلی کنت ۔
MP-R:ھؤ۔
بورخیس: بلے من سرپد نباں کہ برکلے و ہوما زہن و آگاہی سرا جاہلی کُتگ۔
ڈینس ڈٹن: بازرندا مردم گوش اَنت کہ آ برکلے آ Orbis Tertius رنگیں قصہ یے ئے توکا چار اَنت۔
بورخیس: ھؤ، منی دلا آ کن اَنت۔بلے آ قصہ ئے توکا من لبزانکی کاراں ہم شون دیگ بوتگ آں۔
ڈینس ڈٹن: تو آ قصہ ئے توکاچوں لبزانکی رنگاچہ فلسفہ رنگا گیش و گیوار کن ئے؟۔
بورخیس: الّم۔ من ارزانیا گیش و گیوار ئےِ کناں۔من گوشاں انسائیکلوپیڈیا منی زند ئے مستریں وانگ بوتگ اَنت۔مناہروھداانسائیکلوپیڈیانی ھُب و واھگ بوتگ۔منی کار بوتگ کہ من بیونس آئرساBiblioteca Nacionalشتگاں۔آ وھدا من لجّویے بوتگاں، من ہمے ماراتگ کہ من کتابے ئے زورگ ئے واستہ کتاب پان ئے گوما گوں جوانیں وڈے آ گپ کُت نہ کناں۔پمشکہ من انسائیکلو پیڈیا برٹا نیکائے دراز چاراتگ آں۔ و پدا آ کتاب منی لوگا بوتگ گوں منی دستاں۔و پد ا من انچو یک کتابے وَنت۔ و رندا یک شپے منا شرّیں مُزّے رسّ اِت ، پرچاکہ من Druses, Dryden وDruids ئے بابتا سرجمیا ونت۔ اِے یک زانگے……….. تو چئے گو ش ئے؟۔ توامیں یکّیں کتاب ئےِ توکا و ’’Dr-‘‘۔
و پدا منی زہنا ہمے اتک کہ چوں وش بیت کہ اصلی دنیا ئے یک انسائیلوپیڈیایے بہ بیت، و پدا مہکمیں و مہریں انسائیکلوپیڈیایے پہ ھیالی دنیا آ۔کہ ایشانی توکا ہرچیز ھمگرنچ ببنت۔و پدا من ھیال کُت کہ شرّیں من ھیالی دنیا ئے انسائیکلوپیڈیا ئے یک داستانے نبشتہ کناں، و پدا الّم باز مردم لوٹ ایت کہ نبشتہ بہ کن اَنت، یکجاہ بہ بنت و بازیں چیزانی بابتا ہبروہال بہ بیت۔ ھساب ئے بابتا،فلسفہ ئے بابتا ، لبزانکی مردمانی بابتا ، انجینئرانی بابتاوناولسٹانی وہسٹوررینانی بابتا ہم گپّ و تران بہ بیت۔پداانچو کہ من لوٹ اتگ ات یک جِتائیں دنیایے چرئے مئے دنیا آ۔تہنا ھیالی نام ئے ساچگ کار نہ دنت۔ من گوشت کہ پرچہ یک دنیایے پہ درورا برکیلے ئے لیکہانی سرا نہ بیت؟
ڈینس ڈٹن: انچیں دنیا کہ ھودا برکیلے یک انچائیں مارگے ڈیکارٹا ابید؟
بورخیس: ھؤ ھمیش اِنت۔ و پدا آ روچا من ’’Tl246n, Uqbar/Orbis Tertius‘‘ نبشتہ کُت۔ ایشیا بازیں وانوک وتی نیمگا کشّ اِتگ۔سجّہ ئیں چیز آئیڈیلزمئے سرا ات اَنت۔ھما لیکہ کہ چیز نیست، بلے تہنائیں سرکپت(event)۔ہما چیز کہ نامگال نیست، بلے تہنا کارگال۔ ہما چیز کہ ھودا چیز نیست، بلے تہنا مارشت۔
Lawrence I. Berkove: 147Tl246n148تئی داستانانی توکایک شرّیں درورے کہ اودا داستان ھلاس بیت، بلے وانوکا دلبڈّی رسّ ایت کہ تئی لیکہاں بزوریت۔
بورخیس: من ہمے امیت داراں۔بلے من سرپد نباں کہ آ منی لیکہ اَنت۔ پرچہ کہ من فلاسفرے نہ آں۔من وتی لبزانکی مکسد ئے واستہ فلاسفرانی لیکہ زرتگ اَنت وکارمرز کرتگ اَنت۔من ہمے لیکاں کہ منی ھیال پہ منا ہوم، برکلے و شوپنہار چہ بوتگ ۔ بوت کنت چہ ماتنر آ ھم۔
MP-R: تو گوش ئے کہ توفلاسفرے نہ ئے۔۔۔۔
بورخیس: انّاں۔من ہمے گوشگ لوٹاں کہ مناوتی رنگ ئے فلسفہ نیست۔من پہ ایشیا جُہدہم نکناں۔من تہنا یک لبزانکی مردمے آں۔ہمے رنگا منی ایشیا ہم گچین مکناں پہ درور ئے واستہ انچو کہ دانتےؔ آدینیات شاعری ئے مکسد اپہ کارمرز کتگ، انچو ملٹناہم ہمے کار اپہ کارمرز کتگ،گڑا من پرچہ فلسفہا کارمرز مکناں۔یک داستانے ئے نبشتگ ئے واستہ و ہمنافلاسفہ کہ منا را وتی نیمگا کشّ اتگ ءِے۔منی ھیالا ایشی ئے موکل است، است یا نیست؟
ڈینس ڈٹن: یک چیزے آ تو وَ الّم فلاسفرانی گوما اِت ، آ ایش اِنت کہ تو زیبائیا گوں اجکّہ ئیا پیشدار ئے، گوں چاچ ئے رنگا پیشدا ر ئے۔
بورخیس:اِے وَ الّم است۔ من ہمے ھیال کناں کہ فلسفہاچہ مئے حیراکی کیت ۔اگاں تو منی کار وانتگ اَنت، گڑا تو الّم اِے دیستگ کہ حیرانی یک لسّہ ئیں چیدگ ہر وھداگون اِنت و ہمے ابکّہ ئی اِنت۔ من ایشیا حیرانی ئے لسّہ ئیں چیدگ سر پد باں۔ابکّہ ئی و بہمانگی یکجاہ اَنت، تئی ھیال چے گوشیت؟ بہمانگی ئے یک چیدگے ابکّہ ئی بیت۔
ڈینس ڈٹن: بلے فلاسفر تہنا پہ حیرانیا نہ سہڑ اَنت،آ پسّو لوٹ اَنت، وڈ لوٹ اَنت۔
بورخیس: آ وتی جاہا بجاہ اَنت۔
ڈینس ڈٹن: آ بجاہ اَنت؟
بورخیس: چوناھا، بوت کنت کہ آ ھِچ وڈیں وڈ گِرگ نہ بیت، بلے وڈ ئے واستہ شوھاز سکّا وشّ اِنت۔
MP-R: تو وتی کاراں یک سسٹمے شوھازگوش ئے؟
بورخیس: انّاں، من آہانی وڈا سکّا ٹیٹ نہ آں۔من فلسفہ فکشنے گو شاں یا وابانی فکشن۔ و من solipsism�آھم سکّ دوست داراں کہ آئیڈیلز مئے مزنیں رنگے۔اِے وَھیرانی ئے ھبرے کہ ھرکسّ ایشی ئے بابتانبشتہ کنت کہ ایشی ئے ھلاپ ببنت۔من یک ہم کتابے نہ دیستگ کہ solipsism ئے پلّہ مرزیا کنت۔من زاناں تو چے گوش ئے،پرچا اِے گنجیں مردمانی توکاتہنا یک واب گندوکے، گڑا تو پرچا کتاب نبشتہ بکن ئے؟۔بلے اگاں یک واب گندوکے، گڑا پرچا تو یک کتابے ئے نبشتہ کنگ ئے وابانہ گند ئے؟۔
ڈینس ڈٹن: برٹرنڈرسلا یک رندے ہمے سوج داتگ اَت کہ درھیںsolipsism ئے منّوک ایشی ئے یک گلّے جوڑ بکن اَنت۔
بورخیس: جی ھؤ۔ آنہیا solipsism ئے سرا گوں شیواریا نبشتہ کتگ و بریڑلے ئے ھم Appearance اوحقیقت توکا وش نبیستگ۔ و پدا من یک کتابے ونتگ اَت Il Solipsismoاٹلی ئے یک نبشتہ کارے آنبشتہ کتگ اَت۔اشی توکا نبشتہ کارا گوشتگ اَت کہ اے توامیں وڈایگوازم ئے گواچنی اِنت۔ و اِے دور ئے وتی منی اِنت۔اِے گنوکی یے۔منی جندا solipsismئے بابتا اِے دروشما بِھ ھیال نہ کتگ۔
MP-R: گڑا کجام دروشما؟
بورخیس: من سرپد باں کہ solipsismیلہ دیگی چیزے نہ اِنت۔
MP-R: یلہ دیگی یا یلہ نہ دیگی؟
بورخیس: من گوشاں کہ اِے راستینکی رِدایلہ دگی چیزے نہ اِنت پرچا کہ کسّ ایشیا باور نہ کنت۔اِے کمّیں ہوم و برکیلے ئے جیڑہ ئے رنگا اِنت:’’ آنہی گپّ نہ کہ منّ اَنت نہ کہ رد کن اَنت‘‘۔ و solipsism ہمے رنگا اِنت۔
ڈینس ڈٹن: یک داستانے ئے واستہ اِے بوت کنت کہ آ یک سسّاساچے ئے گپّاں چہ گیشترسسّاساچی پوزیشناپیش بداریت؟
بورخیس: من ایشی ئے بابتا بھ ھیال نہ کتگ، بلے منی ھیالا واجہ تو پہک ئے۔ پرچا کہ ایمرسنا گوشتگ اَت کہ دپ جنگی کسّاوتی نیمگانیاریت۔منی نزّا آ راست اِنت۔اگاں دپ جنگی کسّا وتی نیمگا نیاریت، گڑا یک چاچے کاریت، داستانے کاریت؟۔آ کجام چیزاِنت کہ وتی نیمگا کاریت ئےِ؟۔اِے چرےsyllogism اگیشتراثر دیوک اَنت۔ وھدے من چیزے حضرت عیسیٰ ئے ردا ھیال کناں، آنہیا دپ جنگی نہ کتگ، آنہیا وڈ و پیم کارمرز کتگ۔ آنہیا لھتیں چہر و شبین کارمرز کتگ۔ آنہیا ہروھدا پُر وزنیں گال کارمرز کتگ۔ آنہیا اِے رنگا نہ گوشتگ اَت کہ من ایمنی ئے آرگ ئے واستہ نہ یتکگاں بلے پہ جنگ ئے آرگا اتکگاں۔’’من ایمنی ئے آرگ ئے واستہ نہ یتکگاں بلے سگار ئے آرگئے واستہ اتکگاں۔‘‘
ڈینس ڈٹن: نو تو چے ھیال کن ئے؟ فلسفہ تباچہ لبزانکی تباگِسر کن ئے اگاں آ اِے گپّاں جن اَنت؟
بورخیس: من سرپد باں کہ یک فلاسفرے سکّا ھیالانی توکا روت، یک نبشتہ کارے من سرپد باں کہ پیرا(narrative)دوست داریت و آ داستانا گوں چہر و شبین درشان کنت۔
MP-R: یک کسانیں پیرا( narrative)یے سکافلسفہ سما بوت کنت؟
بورخیس: منی دلا ھؤ۔بلے اِے رنگا آچاچی رنگا بیت۔ منا ھوش کنت کہ من آسکروائیلڈئے بائیوگرافی ونت کہ ایسکٹ پیرسنانبشتگ اَت۔ آنہی توکا مزنیں گپّے predestination او آزادیں ارادھئے سرا اَت۔ آنہیا وائیلڈا جُست کہ آ آزاتیں ارادہا چے سرپد بیت۔ آنہیا داستانے توکا پسّو دات۔ آنہیا گوشت کہ لھتیں کیلّاں، سوچن و سیمک چکمکے ئے ہمساھگ ات اَنت۔ و آھانی توکا یکّے آ گوشت ’برین ئے چکمک ئے کرّا چکّرے جنن ئے‘‘۔دگہ یکّے آگوشت ’’ اِے مئے ڈبّہ اِنت کہ ما آنہی کرّابرویں‘‘۔ یکّے گوشت’’ اِے کار انّو ببیت، ماٹو بوہگی نہ اِنت۔‘‘وھدیکہ آ اِے گپّاں گوشگا ات اَنت آ سئی نہ ات اَنت کہ آ دیم پہ چکمکا روگا ات اَنت۔چکمکا بریشکنداِت، پرچا کہ آنہیا زانت آ پیداک اَنت۔تو ھیال کُت کن ئے کہ چَکمک بچکندگا اَت۔ ادا وائیلڈا وتی ھیال درشان کتاں و آنہیا ھیال ھمیش اِنت کہ ما سرپد بیں کہ ما آجو اِنت بلے چوناھا ما آجو نہ ایں۔۔۔۔
بلے من یک چیزے گیشینگ لوٹاں کہ ہر لیکہ کہ منی نبشتہ ئےِ توکا درگیجگ بیت، آ نبشتہ آ پد اتکگ اَنت۔منی گوشگ ئے مول ومرادہمش اِنت کہ من نبشتہ کنگا چہ بندات کُت، من چہ داستانا بندات کُت، من چہ وابا بندات کُت، اگاں تو گوشگ لوٹ ئے۔بوت کنت لہتیں لیکہ چہ ہمدا اتک۔ بلے انچو من گوشتگ اَت کہ من چہ اخلاقابندات نہ کُتگ کہ پدا ہمشی ئے گیشینگ ئے واستہ دگہ یک داستانے نبشتہ بکن۔
