اے قہریں دنیا کئی وڑا انت
کجام زھگ ئے دلئے تبا انت
بگندے مارا ھما شمو شیت
ھما کہ شپ روچ دلئے تھا انت
من زاناں چماں چہ ھون پِٹّیت
کہ واد ٹپانی مئے دواانت
گریب او بزگر شُدا مِرنتیں
اے بادشاھانا کئی سما انت
پدا مروچی من جنگجاہا
بچار چتو ر زند مئے تباہ انت
ردنت درچکانی ھشکیں شاھڑ
بگواریت جمرّ نوں موسما انت
چتور نزبیاراں واھگاں من
کہ قہریں دردانی جنتراانت
پہ وشیں باندا مراں مروچی
پہ ڈیہاھرکس وتی فداؔ انت