ٹپ زبان ئے ھچبر گارنہ بیت
مرچی سنگتانی سرا اعتبار نہ بیت
کئے آ را وتی دروازہ بلیکاں جہانا
جہانا مھر او دوستی ئے کسا کارنہ بیت
مرچاں باپشتا کئے آرانہ گشاں
وپاچہ دلی دوستاں شہ گارنہ بیت
قول ھما اِنت چاگر او شھہ مرید کُرت
زبان ئے پد ا شھہ مرید بے دشتار نہ بیت
دل کراراِنت دھر ا پُلیتگ پہ ھُنر
کراریں دل چوبے کرار نہ بیت
مطلبی مردم دلا پُروشیت او روت
پُرشتگیں دل پدا ھوار نہ بیت
دل تلوسیت پہ ماہ ئے ماہکانی آ
ماہکانیں شپ لنج او تہار نہ بیت
نہ باں دلمانگ چہ تئی مھراں دل
دل یکے تا دو جاہ بار نہ بیت
جیگ ئے دُن او بوسمیناتالان اِنت
شبیو ئے پل او چہ کس بیزار نہ بیت
ودار ا نشتگاں تئی تاں زندگاں
باھند ئے گاریں دوست تاں دُچار نہ بیت