لوٹ ہمش انت سھت و دمان
زندگ بات بلوچستان
کوچگ کوہ و ڈن و ڈگار
وائے وتن مئے ھشکیں دار
ندر نت پر تو مئے دل و جان
زندگ بات بلوچستان
نیلیں زر تئی برات منی
ڈیھ و ڈگار نت مات منی
ستک یکیم و مئے ایمان
زندگ بات بلوچستان
تو مئے واھگ و ارمانئے
دردیں دلانی درمانئے
تو مئے ازت تو مئے شان
زندگ بات بلوچستان
پر تئی گوانکا یکیں نا
جان و ساھا ندر کناں
چم و سرا انت تئی فرمان
زندگ بات بلوچستان
نورلؔ شیرگوش ایت پر تو
ارماناں کوش ایت پر تو
من تی کؤلیگ و قربان
زندگ بات بلوچستان