( بلوچی دھن پر لکھا گیا)
یاد میں تیری مَیں رہوں گریاں
ہے میرا چہرہ کرب کا عنواں
آشنا چہرے، آشنا گلیاں
یوں تکیں مجھ کو جیسے ہوں انجاں
تو ہے پاس میرے، میں ہوں دور تجھ سے
عمر کا اندھیرا، شہرِ نور تجھ سے
ہجر ہے تیرا
وصل کا ساماں
میری اک اک رگ میں ہے ترا بسیرا
فرق اب نہیں ہے کچھ بھی تیرا میرا
ایک ہے اب دِل
ایک ہے اب جاں
تیری مسکراہٹ گد گدائے دِ ل کو
اب سوائے تیرے کچھ نہ بھائے دل کو
سامنے تیرے
چاند ہے حیراں
تیرا نام اِ س کو دو جہاں سے بڑھ کر
تیرا مستؔ پاگل گنگنائے شب بھر
’’ سمو تئی و شیں کھندغ و ٹوکاں‘‘
مست ۔۔۔ مست توکلی