ہر قوم و ہر ڈیھئے عوام
جواں واقفیں ژہ لینن ئے
زیندھا، کہ آں
گوئنڈ ث او ، بالکل کستر اَث۔
سنگت تئی زند ئے حوال،
بایو گرافی دراژ تریں،
۔۔۔۔۔۔ تہ نوخی لکھے جی،
گڑہ گڑدی اغدہ لکھے جی،
گڑدی اغدہ پولے جی
دیری، بزاں دو قرن پیش
لینن تئی بندات بوت
اش کں براملئےؔ پیرکا
او گؤجانہ.(4
ڈاڈائیں پتل ئے گواسریں تواراں
کہ بھاپہ اولّی انجن ایں
بادشاہ سلامت ،
زرہماں شاہیں کہ تاج اِش نیست اِنی
کہ ینیں آژہ پیش
کسّا ہمے پجھہ نیاڑت
اعلانہ کنت کہ چَپی کثئی
اشرافیائے تاج و تخت
شہر لُٹے جنت برباد بنت درٹیّنے جنت
تنگو رَونت
بینک ئے سغندانہ تہا
او
مزدور طبقہ لاغریں
بندی سریناتیارہ بی،
صف بندہ بی،
کارخانہ و فیکٹری تہا
او پیشا
ہژ مبیں تغیں تڑسیں تغیں
دودکش مُسُکہ پلوئے
کہ دونہو دَہ آزمانہ شتاں
’’ بیا ، گوں ما اوار
ثی راہا بہ چیٹ
دانکو کہ مار ہر دوسراں،
بختے رسی!
بلے گیرآر کہ:
آں پیذاغیں ناں
آں نزیخیں ناں
آں بہادروآں نرمزار
آں چمپین
آں بیرگیر،
آں جنگ کنوخ !‘‘
دونہوگوں آں سیاہیں جُڑاں
اولاشتو بیثنت اوار
چو یاغی ای اڑدے برو
مچی ، گڑوّانی تہا
تبدیل کنغیں
ٹریننگ وڈسپلن گپتغیں
فوجاں،
داں وخت
کہ سیلابے نشان
ظاہر بیغہ شروع کننت
جنجالہ پالی آزماں
کوجھائیں دونہو
سیاہ ترینی
جُڑاں۔
پنڈوخانی نیاما
سامانئے ٹیڑے کیث رذی۔
مینجر،
کیٹی سرین او رستریں،
زیری حساوئے تسبیح آ،
گڑہ واھُو ءَ کنت ،پر یاتہ جنت:
’’بحران ! اڑے بحران !‘‘۔
او ٹنگیث لسٹے دراژ تریں
’’نوکریاں ڈسمس اَنت۔۔۔‘‘