اِے ہبر راستے گْڑا سَگا مزن کن نیست شکّ
لَٹّ پہ براتا ورگ بیت گپّ پہ اللہ و حقّ
گران و سنگین کن وتا اِمروز سیاہ گواتیں مْجے
لیپگی آوار بنتیں چو پَتار سِلّ وسْبکّ
مئے پکیری ، عاجزی ، مئے بے ریائی بے تلب
کوہ بورینیں، اگاں ما یکبرے بادینت ڈکّ
وہد ئے ناہاریں مجاں اِیربْرتگ بازیں ہمبلے
کَندواں شہمیت چراگے مرمر یں پاداں بِہ ڈکّ
یات تئی انچو دلا نَکش اَنت کہ زیمر بْتکگ اَنت
چو گلابانی سرا شپ نمب و بالوانی پَکّ
رہگوزی کپتیں دْچارومْجتی بوتیں ہوار
تو ہما لاڑیں جنکو من ہما گاریں بَچکّ
تئی زہیرانی زبادیں کوش لیِلاریت مدام
اے دل ئے جاور نگیگ اَنت او منی تلمل تَنکّ
دل نہ مرّینیت زبان ہاریں اگاں ناں گْنگے آں
چست بنت چہ رْوح ئے پارا اَنگریں پاہارو گَکّ
وہد گوں بنی آدما سیلیت بسمل پہ گومے
کْوڑہے بئے ھاک و پْر بْو تَنگہے بئے تہ جَڑکّ