پرشتگیں ماحیال چادرا بستگاں
زندئے رنگ و جمال چادرا بستگاں
تئی شوہازا پدا مرچی سرگپتگاں
عشق ئے زپتیں مثال چادرا بستگاں
اے کپوتاں دگہ منزلے آ براں
چار ہشکیں چنال چادرا بستاں
دوشی یار ئے شگانا جگر آس دات
تئی وڑیں ما شگال چادرا بستگاں
کبرئے شکا منیگ نبشتہ کن ات
شعر ئے یک و دوگال چادرا بستگاں
زند مانی کی باریں درو ہیت منا
زرتہ کپن ئے دووال چادرا بستگاں
ماشبیرؔ ئے وڑیں ستکہ لاپے نیاں
چُنڈے نانئے دوسال چادرا بستگاں