تئی واہشت ئے انگاراں درئیں پیلشتگاں مارشت
دل ئے ہر دوئیں چمّ کوراں ، درامد بیتگاں مارشت
گدارے ہم نہ جنت سنچے منا جنّتیں امبروز ئے
وتا چہ سستگاں من وت منا چہ سستگاں مارشت
اے ارواہ گوں تئی زلفاں ہمے امیت آ پیڑاتگ
تو وہدے شنگ ئے ملگوراں دمانے پدّرہاں مارشت
تئی شہر ئے ہمک وشبو منی وابانی مانا اِنت
شپیت درچکی اگاں تاکے خماریں بنگراں مارشت
بہاریں ہستی ئے نوبت وفا ئے شیپلاں چرت انت
ہما اِنت پہ شوہاز ؔ آس و جس و زِبریں پُراں مارشت