آ پری زادگئے ٹہلانی کہ بانزل نمب بنت
زند ئے پُر زیمریں تارانا دھنے دز گوں جنت
جہد ئے استین کہ پاوانئے گیاباں گوار انت
وش دلیں نوبتئے گراں رودیں بہار ہم ترکّنت
مارا درکا ر جہانا یک کہیبے انچیں
بیدہاں پگر ئے زمین جمبا چو چنڈ چنڈ بہ کنت
حسن پیشداری وتی بلّکی کرشکیں دیما
وہد کہ بے موسمیں شرّنگی ئے شار ءَ سر جنت
کئیت پیغمبرے کد انچیں ودی کنت مہرے
برات ، براتا را وتی ٹیلگا دار ا سی دنت
کہت بیت بے گوم و آسراتی زبہریں زند ا
انگہ دنیا منا نازانتی ئے تیہار ا جنت
گران اِنت شوہاز ؔ اے ویرانگاں بے آپا سفر
لہتکیں پشت کپنت لہتکیں راہادروہنت