دَڑد حاخانی توخا گُشئے گارثاں
روش ایرگا بکو مئے سرا بارثاں
یہ گھڑی آ پچے پُرشتغنت، سُختغنت
مئے او تئی تھانرگیں عہذ و اقرارثاں
گِر مئیں دستا تو بیا، یاد بئیث ئے نواں
تو مئیں یارثئے من تئی یارثاں
ٹوک کئی مَنّثو، تو جُذا بیثغئے
ہچو اشتئے مناں، مں تہ بے مئیارثاں
لعل اشتئے پچے، یکّ و تنہائیا
بُرثین ئے سغر، ار مں ڈوبدار ثاں
مرشی مجبوراں پہ کاسغ ئے زیرغا
دست مئی کسے ئے گڑدنئے ہارثاں
اے جہانا پچے آں جہانئے سزا
یا حُذا من ہمکر گُناہ گار ثاں؟
زحم میانا کثو سعیدؔ اوشتاثغاں
بیثغئے تو بغا، مں دِہ لاچار ثاں