مناں طالبِ علم ئے شوق ایں مناں
من اُستاد ادبا دلا گوں کھناں
مناں مکہیں ماث سینگھارغیں
نغن آف وچانہا کھاوارغیں
کتاوان وجرّاں گُرا پہرغیں
صُواحاگوں شوقا سکولا لُڑاں
سواہپت بی ٹائیم گلو کُھلی
شہ گھنٹی آ رَندا ترانہہ آبی
یکے دیم جکّھیث دعا آپڑھی
من قطار نیاما شہ دلگوش باں
کلاسا مئیں اُستاد کھئیث پگّہا
سبق داث و لکھیث بورڈئے سرا
زوانی آ ڈسّیث پہ سمجھینغا
من کاپی آ کھولان ولِکھّاں پڑھاں
سبق کُل نصیحت وتاریخاں تی
ریاضی، ہنر علم کیمیا گری
ادب، نیاز و نوڑت حُذا بندگی
دلا یاد داراں ہماں نُغدہاں
کھاں اُستاد ٹھؤ کے من دست بندہاں
ادب، انتظار گوں پابند ہاں
وفا جی آ کھاراں شُکر مند باں
شہ تعمیل کھنو خان سرا من رواں
ہماں کہ سبقا مئیں استاد داث
ہماہیا اژمن شہ اشکنث مئیں ماث