روچ ہما اِنت
نود ہما ینت
کوش ہما اِنت
رود ہمایَنت
بندو ڈگار و آپ ہما یَنت
رَنگانی گوناپ ہما یَنت
درچک ہما یَنت، دار ہما یَنت
درَ پشتوکیں اِستار ہما یَنت
واھگ و مہر ئے ساز ہما یَنت
کاڑانی انداز ہما یَنت
اکبر اِے دُوریں گلباگا
زِرد ئے بلے مارِشت جتایَنت
جان ئے اِے ژَندیں غَم جاہا
کُہتانی گوا رِشت جتایَنت
یاتانی بودِ شت جِتا یَنت
دردانی تورِشت جِتا یَنت
روچ ہما اِنت
نود ہما ینت
کوش ہما اِنت
رود ہمایَنت