کوئی صدیاں دی
ساکوں ڈس ہائی پئی
جو پکھیاں لڈکے
ٹردئے رھو
جتھاں شام تھیوئے
اتھاں ٹک پوو
ساڈے پُرکھاں دا
ہکو منتر ہا
ہر راہ اپڑاں
ہر واہ اپڑاں
ہر شاہر اپڑاں
ہر جاہ اپڑیں
ہے ملک اپڑاں
ہے سجھ اپڑاں
ہے بھوئیں اپڑیں
ہے رُکھ اپڑاں
ہے رَکھ اپڑیں
ہے کھوہ اپڑاں
ہے چھاں اپڑیں
ول ویلا بدلے
ایں تھی گئے
ناں راہ اپڑاں
ناں واہ اپڑاں
ناں شاہر اپڑاں
ناں جاہ اپڑیں
ناں ملک اپڑاں
ناں سجھ اپڑاں
ناں بھوئیں اپڑیں
ناں رُکھ اپڑاں
ناں رَکھ اپڑیں
ناں کھوہ اپڑاں
ناں چھاں اپڑیں
ہکو حکم ملے
ساڈے شاہراں توں
ساڈے مُلکاں توں
ونج دور رہو