روش شتوں ناواشام بیساں شف تارمہ بیغاں حالاندایغئے، سیاھے شف ناز بی بی آ دل آ بتر تڑسیناغئے۔ آہی دل آ اے شف چو دھکاواں بھیراں دہکاناں جانغئے۔ استی اے تڑس دے ہچو ناغومانینئے پر ناز بی بی جوانیاں سییاں کہ گھوڑوئے کوفیساں بھانگاں۔ آسییاں کہ بھانگاں روش ایشیاں پہ دوراھے زنداغیان تارماہئی بی۔ بھانگاں روش ایشی زنداغیاں یدر تارماہ کںہ۔ آھی دل باز لوٹغئے واجیاں شب روش ماوی ہمیرگاں مئی زنداغیئے چراغ یدر بالی۔۔
ہمیے تڑساں گو آ نیشتو سوچغائیے کہ بالاچ آ کیسائی چیکر روشاں ژہ چیئے واڑتاں دے نا۔ ھدا سیئے کہ ایشی ہماوں ظالماں ژہ گڑکوسوں چیکر روش تسو و لنگڑیاں لانھگوداساں۔ اے آخری واراں نیشتو گو دل آ ھباں گیندغیئسی۔ ہمیرگاں ولھراں کفاناں آس بال سئی دار کہ تپتغاں گڑا توا ایرکوسئی نیشتو پہ بالاچ آ ناغناں پشغایے۔ آ وثی تڑس و سوچاں گو گھاراں پیڑ سماں نایثی کہ بالاچ کٹاں چکاں نیشتو اشی ساوادھے۔ نغن پکواں کڑوبیساں بالاچ آ تکاں بالاچ آ گوشہ نند مئی وٹہ اے دہ۔۔۔ناز بی بی کیسائے ناپوھے چکاں بھیراں نشتہ۔۔۔ بالاچ آ گوشہ ناز بی بی تہ سیئے کہ منا ترا گو چیکر مہر و محبتے کناں مہ ہر چی کہ گوشاں مہ گوشتاں نخاناں تہ سیئے ما ترا گو یدر ایرگے گھڑباں نازیاں تہ مئی زال نیئے مئی یارے سنگتے، مئی ڈکھ سکھ آ سنگتے مئی زنداغیئ ٹکر مہ ہر ھندیاں با مئی ساہ بھیرا مئی پجیاںیے مہ ایکر ویلانگوں گو گڑ کوسوں ھوخاطرہ آتکاں کہ مئی ارواھ گو ترا رالیسیے ما ہموزاں مڑتیناں گڑاں می ارواھاں سکھیاں ناویس،،، یبرے گھٹ بیساں!!!! گوشتی ترا گو مئی برادری یکاں نئیے ما پہ وثی وطناں گو دے ہمیرگاں۔۔۔ مہ وثی سرا دیاں دے مہ ڈکھی ناواں مئی ھون پہ اے پاک ڈغاراں قرباں با مہ پذا گڑدوخے نیاں۔۔۔ ہمیے گالاکنانا راست و چپاں دیستتی نواکسے ٹوکاں آشکاں۔۔۔۔ نازو دست گپتوں گوشتی نازو اے گھڑاباں مہ ترا ہمے پارہ کانغاں کہ بھانگا روش آ فرنگی منا پولاناں کاں منا گیرابراں گڑا یا ناسیو کشاں تو کہ قیز کناں داراں دورانھے زنداغیاں۔۔ مہ گوشاں باڑاں بلا مئی وطناں گو مہر بلا گھٹ ماوی مئی مہر ترا گو بازے بلا گلزمیناں پہ گھٹ ماوی۔۔
بالاچ آ گو دل آ ھباں نازو دست پیچاڑتوں گوشتوں۔۔۔ نازو! منا تہ دل آ گو موکلادے۔ مئی جونیاں ثیاں کہ اوخے وختاں نوخے نسل می قصواںں اشکنا گڑا مئی چکاں فخراں کنا۔ مئی روغاں رندہ تہ گیرےنا مئی سگنتی و مہر مئی اگا وھار مخاں۔۔۔۔ ڈیھاں سگنتی ھوناں لوٹی ایشیاں ژہ مزایے بخت چے بی کہ پا وثی ڈیھاں ساغراں دایا۔۔۔ نازو آ آہلاں کپتہ سغر لوڈیتوں ھوں کوثئی کاڑوبیسوں شتاں نغنپشاں۔ شواوخے ھنگراں ہیمراں ستکیاں نیاسہ کہ نازو ڈوبر شواغیئے پہ دیر بیغاں ڈکھاں۔ ڈیما آس بلاغیے انگو نازو پہ بالاچ آ اندالاں شواغیئے۔۔۔ ہائے ہائے پذا یا ناسیو ترا گندھاں دے نا۔۔۔ نازو دل باز بستاغئے بالاچ آ بھیرے شفوئی شف درکفی بروئی گڑا دے گوشتہ ناخوسی چیاکہ آسیاں کہ ڈیھاں ایشیاں باز دوستے نرو دراں۔
نازو بےوسی نیشتوں ہیمراگاں گیرابراں کہ دل ڈکھاں گھٹ با نیٹا وثیاں کڑوبیساں شتہ بالاچ آ کھٹاں واٹہ گوشتی بالاچ اے شف ما باڑاں باز دیراژ بی چیاپاں ھوناں ھندہ مرو دیری سریے درائی بیساں۔۔۔ بالاچ آ گوشہ بھلے بیا برو۔۔۔ دوئے ہموزاں د زارے زامستانی شفیے ماہ دے چاڑھاں ڈیھ مائخاناں دوئے لوڑیسغاں گھڑاباں دایانا۔
نازو آ گوشتہ ماہ چیکر بگیئے شو جلاشکاغیے۔
ھاں! گڑادے تئی دہیماں اگا ہچینئے بالاچ آ گوشتہ ۔۔۔ نازو آ ہکوے بھراں لجاں گوساں وثی تعریف آشکوسوں۔
کوہاں وٹہ پوجیسوں دو نیشتغاں نازو بالاچ آ کٹہ سغر ایرکسوں دیریے والاراں کپتہ دیر دہ بھٹ دسغاتے بس یک تڑسے نازو دلے کہ بھانگا روش ماواں۔۔ شف نیم بیساں نازو بیا برو بھانگ بیوخے بالاچ آ گوشتہ۔ ناز بی بی گوشتہ ما فیصلہ کوساں نی یمرگاں کنوں بالاچ آ گوشتہ چی فیصلہ منا دے ڈس ناز بی بی دوروھانی کشتہ اولاں گوزاشیرا لیکیتو گوناسی بالاچ آ ڈوبرا ایرکوسئی بالاچ آ گوشتہ منا جانے نازو۔۔ ھو مئی دل نامناغیے کہ ترا فرنگی گیرا برا ویلادیانا جنا ما ترا واجانا۔
گڑا لڑزاغائے چیاپہ جانینا بالاچ آ گوشتہ۔۔
نواز بی بی گوشہ ماترا جانا گڑا وساراں دے کشاں۔۔
بالاچ جا تیرا ترا می سگنتی دروھیے ما بلا مئے مرگ دے پجیاں بی ناز بی بی آ لڑزانہ للو چیکسان بالاچ آ ڈوبرا تیرا مانے بالاچ کپتہ ناز بی بی آ اھی ڈوبرا چکاں سغر ایر کوساں گیراساں۔۔۔ نیٹاں دیسئے بام آ زنگ داساں مرڈاں پاز دست براور کوسوں وثاراں دے توپک جیسی توپکاں ٹھکاگو مرگاں بال کوساں اے دوینانی ارواھانی پجیاں۔۔۔۔۔۔۔۔۔
اے دوینانی سگنتی مرگ آ دہ یکھند بیساں ڈیھا گو دے وفادار بیساں وادے۔۔۔
داکو دا جایلا کیسے گیراری ایشانی کیصو گارانوی۔۔
کیصو شتہ جھرا مہ درکپتغاں دراں۔۔۔۔۔۔۔