زِندگی لئیوے ِ دِہ نَیں، بارے دِہ نَیں!۔
ھا ھمنکَر کَستریں کارے دِہ نَیں!۔
قَولئے پھروشغ، اَؤلا مَرک اث مڑدمئے
نی ھمے عَیبے دِہ نَیں، مِیارے دِہ نَیں!۔
مَں مَروشاں جْزغایاں ایوکا
سَنگتا َ مورے دِہ نَیں، مارے دِہ نَیں!۔
مہر داثیں، مہر گِفتیں ھر کَسا
بے وسی ایں، مہر واپارے دِہ نَیں!۔
دَست بیثیں! گْڈ تہ وش اَث زندگی!۔
کوفغا تھئی مَہپَرئے تارے دِہ نَیں!۔
کَئے مناں سمّوئے جِیذاں سَر بِکاں؟
آزمانا کونجی کَتّارے دِہ نَیں!۔
تھہ شواذی آ رَوَغّایَئے بَکو؟
حَیر استیں؟ تھئی سرا شارے دِہ نَیں!۔
گوں تَھشَغا، چھوں وَثارا دَربَرِئے؟
عاشقی ہؤرے دِہ نَیں، ھارے دِہ نَیں!۔
چھوں مزاری دوہمی گْرزانے کَھنئے!۔
شاءِری وا کَستریں کارے دِہ نَیں!!۔