دنیا دنیادار نہ بیت من چے بہ گشاں
یار کہ گوں من یار نہ بیت من چے بہ گشاں
پْشت ءَ چندے تھلیں ترانگ پش گیج ایت
وھد کسی پادار نہ بیت من چے بہ گشاں
مولم وش اِنت گوات سبک آ کشان اِنت
دؤر ئے سرا آچار نہ بیت من چے بہ گشاں
تو بِلّے چماں چہ گِسر بئے دور روئے
گم تئی نشانی گار نہ بیت من چے بہ گشاں
دود و ربیدگ مٹ و بدل بنت گوں وھد ا
مھرئے میار آوار نہ بیت من چے بہ گشاں
کازی ھرچی کنت وتی کدّاکرزیت
سار نہ بیت بے سار نہ بیت من چے بہ گشاں