زیند ہیکل پرستانی دیوانگی
ہفت اِستارگانی جْدائیں بَدن اَنگراں لیٹ وارت
مْشتری آ دگہ مولدے ئے ہوس کْنٹگاں دْوتکہ
زار افریدگاں
کہ اے زَرتْشتگانی ہوائیں بَدن اِشکراں لئیب کنت
دہر ئے قابیلیاں یک بْتے سازتہ
قرن قرن ئے سفر شول کشّاں شْتہ
نوح یدّارے ئے بانکھراں چامپِتہ
آپ دہر ئے بْتانی سراں لْمب اِتہ
لہر بْرزا شْتہ
فلکیاں مْشتری یے سرا چَنڈ اِتہ
بازی آ َ گْشتگ اَت
آسماں آتشی جوہرے بَستگیں
روک بِی ہر شپا
اے حدائے جہاں!
چونیں وانندگاں۔
ما نہ فہموں اِشاں
باریں چے چے گْشاں