میر ساگر

ترانگے   تئی  زْرت  اَندر  بَست  ما

اَبجد ئے  ڈَکّے  جَت و  دَر  بَست  ما

اَنترے  اسمے  بَلاہیں   بَست   بِی؟

شاہ ئے   فرمان اَت  قَلندر  بَست ما

چابْکے زرد ا  جت و غم توس اِت اَنت

اَژ مژاں  دَر  کپت  لَشکر ‘ بَست ما

شاعری   نْھ  گَڈّگی  لئیبے  نہ اِنت

پْر جَت اَنت رَند ا  اے کاپَر بَست ما

باہڑ ا    بَگّانی  کْڑدغ   کْوکْو  اِنت

بَنگو ا  ڈَس دئے کہ  چاکر  بَست ما

نِی نہ اِسمے رَؤ  نہ جسمے  گار بِی

چے  طلسمے میر ساگر  بَست  ما