جنتراں رِتک و رِش اِنت قصہ اِش اِنت
شد پہ درداں مانش انت قصہ اِش اِنت
بار ہُژ بْرّاَنت مہ لڈّ اِت لیڑہاں
گشت من پیسر’ اِش اِنت’قصہ اِش اِنت
اَژ وتا چو سر گوئزگ لئیبے نہ اِنت
گوں وتا اِلّ ء وگِش اِنت قصہ اِش اِنت
عالم ئے اسرار سر تا سر تئی
یک نگاہ ِ جْنبش اِنت قصہ اِش اِنت
داغ چنچو زیبدار اَنت باطنا
سَمّڑ اَنت آ ‘ اے چِش اِنت قصہ اِش اِنت
پازل آ را شر ادب داتیں بلئے
قدر میرا ء چاوِش اِنت قصہ اِش انت