طاہی جی نوشکے

خْدا یا مہر ئنا اِستار ٹھیکی کر ننا کْنڈا

ہمو دیوانہ غا بے سار ٹھیکی کر ننا کْنڈا

مرو سحرا ننا خرّْون خِزا رونق کرو ئے چٹ

ہتم نا دیگری گندار ٹھیکی کر ننا کْنڈا

ارا کے حْسن ئنا قیمت اے خلکک سرپسر خنتوں

صرف زو ئس ہموں واپار ٹھیکی کر ننا کْنڈا

کْنینہ اْست خن تو نن اگہ او بس ننا دوٹی

ذرس نی اَت کہ او غدّار ٹھیکی کر ننا کْنڈا

ننا تو مشغلہ خن کش لقب قاتل ننے ملّا

ننا ہمّت اَکے  تلوار  ٹھیکی کر ننا  کْنڈا

اگہ نن خشم ئٹی بسّْون گْڑا ایپار سلپک اِچ

اَتک طاہی تِینا سرکار ٹھیکی کر ننا کْنڈا