میر ساگ
تخمِ آوارگی ! اے دلِ مبتلا ! جا تجھے عشق ہو
آہ کے بادشہ ! درد کے کبریا ! جا تجھے عشق ہو
اے غزالِ سخن ! آیتِ نَسترن ! زرد ہو یہ بدن
رب تجھے درد دے ‘ درد بھی لا دوا ‘ جا تجھے عشق ہو
عشق ہو’ جا تجھے اے بتِ نینوا ! کَج اَدا ‘ بے وفا
ہم فقیروں نے جو کہہ دیا ‘ کہدیا….جا تجھے عشق ہو
ہے سرود ِ اَلَم سوز ِ پر انتہا چھیڑ کوئی صدا
صاحب خوش گلو! مطربِ خوشنوا ! جا تجھے عشق ہو
راہ چلتے ہوئے ایک درویش سے گفتگو ہو گئی
مسکرا کر مجھے میر اس نے کہا جا تجھے عشق ہو !