Sangat Sangat is a popular opinion, columns and blogs website.
منا زھیر دجنت برے برے
گمانی تیر جننت برے برے
گوات کیت جنِک دروشما
یات و گِیر مِرنت برے برے
منی تھنائی ئے کوٹی ئے تھا
ایوکی ئے زِیر بلنت برے برے
چنت رنگا منا بھر بھر کن ئے
بھت ئے لکیر ڈلنت برے برے
تو کہ بچکندئے گوں منا ماہل
مسک و ھیر رچنت برے برے
تو منی ھلکا راھگوزی بیائے
کنٹگاں دیر کننت ، برے برے
میتگ و ھسن ئے بادشاہ زاھد
منا پکیر گش اَنت برے برے
