غزل

گڑدغا تئی دل گشغیں بے ملامے تو برو

دل شہ تئی دستا روغیں بے ملامے تو برو

سیث تاوانئے حساواں زانکذی ما پشت کث

تئی اگاں چی ئے گلغیں بے ملامے تو برو

ساہ و سر ما بشکثغو نی ترا مرضی وثی

روح تی چنڈے اڑغیں بے ملامے تو برو

سر شہ سنگاں ساہ شہ جوراں رکھثہ اولا کیا

ار ترا تڑسے ورغیں بے ملامے تو برو

ما کثغو زیند مرگئے وائیدہ قول و سکن

ار ترا آفے تلغیں بے ملامے تو برو

چاکری قولاں نہ گڑداں تو مناں تڑسین ناں

دل اگاں اڑماں پشغیں بے ملامے تو برو

دل منی پرماں بلندیں کوہ سرانی واڑھاں

ار ترا بہواں جنغیں بے ملامے تو برو

ما تہ زوراخاں سکناں پالغا سر ساہ دیاں

تئی دلے ار گیمرغیں بے ملامے تو برو