کسی خوشبوکا نم
پرتوں سے چٹخی ،بھربھری مٹی پہ
تن کی
رچ کے برسے
نیہہ تک سیراب کرجائے
کوئی آواز
آ ہستہ، بہت آ ہستہ
دھیمے نرم سے لہجے میں
سوچوں کے مضافاتوں سے
آ وازیں دئے جائے
کوئی لہجہ
کلائی تھام کے
اندرکہیں کونے میں بیٹھا
دیرتک باتیں کئے جائے
تو کا غذ کنی انکھیوں سے
دیکھتا ہے
مسکرا تا ہے
قلم لفظوں میں
مہتاب بی شہا بی
رو شنائی سے سنہری سبز تصویریں بناتا ہے
بہت بے ساختہ سی مسکراہٹ
نظم لکھتی ہے۔