نوکاپ لبزانکی مجلسئے نیمگا چہ زالبولانی سالی دیوان کراچی آ برجم دارگ بوت۔ اے دیوانئے دو بہر اِت اَنت ۔ اولی بہر گشتانکی اَت او دومی مشاعرہ اَت ۔ گشتانکی بہر ااعزازی مہمان کامران حیدر ، ہاسیں مہمان ایسیان بی بی اَت او دیوانہ صدارتا نوکاپہ کمک کارمستر کرن امیر کنگا اَت ۔ دیوانا گوں گشتانک دیانا ایسیان بی بی آ گشت کہ زالبول دائما راجمانہ تہا ارزشت داریں کار پیلو کتگ او مردین آدمئے ہمکوپگی آ راجمانئے بازیں جیڑہانی توجیل کنانا وتی بستار مھکم کتگ ۔ہمے وڑا بلوچ زالبولانی ہم جہد ستا کرز اَنت او آہاں ہم دراجمان ، لَبزانک او ایدگہ پڑاں سسا ساچی ئے پاہارشانیا گوں وتی وجود مناک کتگ کہ مروچی راجمانہ تہا ٹوئیں شرفے واہُند اَنت ۔ اے درگتا کامران حیدر ئے گشگ اَت کہ زالبولئے بستار مروچاں گیش بواہان اِنت پرچہ کہ زالبول مرچاں زند ئے ایدگہ پڑاں ہم زاہر اَنت او وتی کاراں الکاپیں وڑے آ پیلو کنگاَ اَنت ۔ مروچی مئے راجہ تہا زالبول آزات اَنت او دیما جنزان اَنت بلے انگت ہم وانگہ پڑا مئے زالبولانی کساس آرتہ تہا واد ہ ہسابا انت ۔ اے بابتا کرن امیر ا گشتانک دیان گشت کہ مئے اے بائد اِنت وانگ و زانگہ پڑا آشوبے بیاریں ۔ نصابا ابید غیر نصابی سرگرمیانی تہا شریدار بہ بئیں ۔ اگاں ما وانگ و زانگہ پڑ اپوہ بہ ایں گڑا دنیا آ شریں وڑے آ ٹپاس اِت کنیں ۔ دیوانہ دومی بہر شعری اَت او اے بہر ئے صدارت سمل بلوچا کتگ اَت ۔ شعری بہر بختاور امیر ، شکیلہ بلوچ ، ماہرہ بلوچ ، امرین حیدر ، عارفہ بی بی ، گراناز بلوچ ، ثمینہ بلوچ ، کامران حیدراو سمل بلوچا وتی شعر پیش کت اَنت او دیوان وشنود کت ۔ دیوانہ جارچینی ئے کار ساچانا پیلو کت اَنت ۔