بالغیں مارکسزم ئے سری سری کتاب ۔۔۔ ”فلسفہ ئے نیز گاری ” او کمیونسٹ مینی فیسٹو “۔۔۔۔1848ئِے انقلابہ وختا دیما آتکغنت ۔ ہمے سببا مارکسزم ئے عمومی اصولانی پیش دارغا ابید ، آں یک حدے آ داں وخت ئے سرجم ایں انقلابی صورتِ حالہ ڈس انت۔ اے خاطرا اے گندغ شاید زیات مناسب بی کہ ہمے کتابانی مصنفاں 1848-51ئے سالانی تجربہ آژہ ہر نتیجہ اے کہ کشتہ شمانہیا دروکا پیشا ریاستہ بارواچے گوئشتہ ۔
”فلسفہ ئے نیز گاری “اندرا مارکسا لکھثہ۔
”۔۔۔۔رذودم ئے دورانا، مزدور طبقہ کہنیں بورژوا سماجا یک ہمنگیں ایسوی ایشن اے آ گوں بدل کنت آں کہ طبقہ آں او آنہانی دژمنی آں ختم کنت کشی درء سٹّی ، او ہموذا ہچ سیاسی پاور گروپ سرنہ یا انت،اے خاطرا کہ چڑو سیاسی اقتدار بورژوا سماجہ اندرا دژمنی ئے تضادئے آفیشل اظہاریں “۔ (صفحہ182، جرمن ایڈیشن ، 1885) ۔
طبقہانی ختم بیغا رند ریاست ئے غائب بیغہ خیال ئے ہمے عمومی تفصیل ئے موازنہ ”کمیونسٹ مینی فیسٹو “اندر ئے تفصیلا گوں سبق آموز بی ، کہ مارکس واینگلز ا چی اے ماہ رندا بزاں نومبر 1847آ لکھ اثغث:
”۔۔۔۔۔ پرولتاریہ ئے رذدم ئے کلاں ژہ زیات عمومی مرحلہ آں بیان کناناں، ما گھٹ یا زیات اوڈھریں سول وار ئے نشان دیثغنت، استیں سماجہ اندرا زہر و غضب داں ہماں حد اپجثہ اوذکہ جنگ گوانک چیکی انقلابہ صورتا چِھڑی ، او ہموذ کہ تشددا گوں بورژوازی ئے تختہ چپی کنغ پرولتاریہ ئے حکومت کنغا پہ بنیادء ایر کنت۔ ۔۔
”۔۔۔۔ ما بڑزا دیثہ کہ مزدور طبقہ ئَے پلو ا ژہ انقلاب ئے سری گام اے بی کہ آں پرولتاریہ آحکمران طبقہ ئَ حالتا داں بڑز کنت تاکہ جمہوریت ئَ جنگا کٹی۔
” پرولتاریہ وتی سیاسی بالادستی آ بورژوازی آ ژہ دارہیں کپٹل (درجہ بہ درجہ)ئے پلغ ء پہ استعمال کنت، پیداوار ئے سجہ ایں سندراں ریاستہ دستاں نزکاری بزاں پرولتاریہ ئے دستاں کہ حکمران کلاسہ ڈولا منظم بیثی ایں ، او ہر چی کہ اشتافی بیثہ بی سجہ ایں پیداواری قوتانی گیش کنغا پہ گزرء کنت (ہپتمی جرمن ایڈیشن 1906۔تاک 31، او 37) ۔
ایذا مار ریاست ئے سرحالہ چکا مارکسزم ئے یک کلاں ژہ اہم او زبردستیں خیالے یک فار مولائے ڈولا دست کفی بزاں” پرولتاریہ ئے ڈکٹیٹر شپ “ئے خیال( مارکس و اینگلز ا ہمے نام پیرس کمیونا رندا گزر کنغ شروع کثہ ) ، او اے دِہ کہ ریاست ئے یک باز دلچسپ ایں ڈیفی نیشن اے دِہ دست کفی، کہ آں دِہ مارکسزم ئے ”شموشتغیں لفظاں “ ژہ یکے : ” ریاست بزاں حکمران کلاسہ ڈولا آرگنائز بیثغیں پرولتاریہ “ ۔
آفیشل سوشل ڈیموکریٹک پارٹیانی رائج ایں پروپیگنڈہ ، او ایجی ٹیشن ئِے لٹریچرء اندرا ریاست ئے ہمے ڈیفی نیشن ئے ہچبر وضاحت نہ ویثہ ۔بلکہ اے ہانسکار نظر انداز کنغ بیثہ ، اے خاطرا کہ اے اصلاع پسندی ( ریفارمزم ) آ گوں ہچبر صُلُح نہ خنت او ”جمہوریت ئے ، پر امن ایں رذوم “ ء بارہا اپر چونسٹ تعصب اوَ فلسٹین ایں واہمہ آنی بُوتا یک چماٹے ۔
پرولتاریہ آ ریاست ئے ضرورت ایں ۔۔۔ سجہ ایں اپر چونسٹ ، سوشل شاونسٹ ،او کاﺅتسکی والا دھک مں دھکی ہمے ٹوکہ کن انت ۔ آں مار تسلی ء دینت کہ اے مارکس ئے سبق اے ۔ پر آں اشی اندر ا اے ٹوکہ ودّھینغہ ”شموشنت“ کہ اول تہ مارکسہ خیال اث کہ، پرولتاریہ آچڑو ہمنگیں ریاستے گزریں آں کہ رفتہ رفتہ گار بیغیں ، بزاں ریاست ئے تشکیل اے رنگا بیثہ ، کہ آں یکدم رفتہ رفتہ ِ گاربیغہ شروع کنت، لازماً رفتہ رفتہ ای مرغی ایں نِیں۔ او دوہمی اے ، کہ پورہاتی ایں مخلوکا یک ”ریاستے گزریں ، بزاں ”حکمران طبقہ ئے حیثیتا منظم بیثغیں پرولتاریہ “ ۔
ریاست طاقت ئے یک سپیشل ایں تنظیم اے ۔ اے یک کلاسے لتاڑغا پہ تشدد ئے یک تنظیم اے ۔ پرولتاریہ آتاں کلاس لتاڑغی ؟۔ قدرتی ٹوکے ، کہ چھڑو استحصالی طبقہ بزاں بورژوازی ۔ پورہاتی مخلوقا ریاست چھڑو استحصالی آنی مزاحمت ئے چیتاڑغا پہ گزریں ، او چھڑو پرولتاریہ ہمے چیتاڑغ ئے راہ شونی ء کثہ کنت، اشیا پیلہ کثہ انت ۔ اے خاطرا کہ پرولتاریہ ہماں واحد یں طبقہ ایں کہ ثابت قدمی آگوں انقلابی ایں، ہماں واحدیں طبقہ ایں کہ بورژوازی خلافا سٹرگلہ اندرا ، اشیا پیلوی ء تبدیل کنغ ئے سٹرگلہ اندرا سجہ ایں پورہاتی او استحصال بیثغیں مخلوقہ متحد کثہ کنت۔
استحصالی طبقہ آ استحصال جاری دار غا پہ سیاسی اقتدار گزریں ، بزاں سجہ ایں مخلوق ئے مزائیں اکثریتہ خلافا یک غیر اہم ایں اقلیتے ئے خود غرضیں مفادانی برجاہ دار غاپہ ۔ استحصال بیوخیں طبقہ آں سجہ ایں استحصال ئے پیلوی آ ختم کنغا پہ ، بزاں عوام ئے مزائیں اکثریت ئے مفاد اپہ ، او جدیدیں غلام واژہ بزاں جاگیردارو کپٹلسٹانی باز کستر ڑوئیں اقلیتے خلافا سیاسی اقتدار گزریں۔
پیٹی بورژوا ڈیموکریٹا ں، ہماں نقلی سوشلسٹاں کہ کلاس سٹرگلہ ہندا کلاس مصالحت ئے وہاو آڑ تغنت اش، حتی کہ سوشلسٹ ٹرانسفار میشن یک وہاو او خیالی ایں طرزے آ پیش داشتیش ۔۔۔ استحصالی طبقہ ئے حاکمی چپی کنغا گوں نہ ،بلکہ اقلیت ئے اکثریتہ اگھاپر امن ایں فرمانبرداری آں گوں کہ وثی مقصدانی باروا شعور والا بیثغنت ۔ ہمے پیٹی بورژوا یوٹوپیا ، لازمی صورتا اے خیالا گوں لگڑتی ایں کہ ریاست طبقہ آں ژہ بڑز ترایں ،اشیاعملی ڈولا مزدور طبقہ ئے مفاداں گوں غداری کنغ ئے عمل ئَ راہنمائی کثہ چوکہ 1848، او 1871ئے ، فرنچ ریوولیوشن ئے تاریخا ڈسثغ اث ، او صدی ئے آخر ابرطانیہ ، فرانس ، اٹلی او دوہمی ملکانی اندرا بورژوا کیبنٹ آنی اندرا ”سوشلسٹ “ حصہ داری ئے تجربہ آ گوں ڈسثہ ۔
ٍ مارکس وثی دراہیں زیندھا ہمے پیٹی بورژوا سوشلزمہ خلافا مڑثہ ، کہ نِیں روسہ اندرا سوشلسٹ انقلابی او مانشویک پارٹی آنی اندرا اغدّہ زیندغ بیثہ ۔ آنہیا استقامتا گوں وثی طبقاتی جہد ئَ تھیوری ترقی دیاناں بڑتہ، داں سیاسی اقتدار ئے تھیوری آ ، ریاست ئے نظریہ آ ۔
بورژوا حکمرانی ئے تختہ چھڑو پرولتاریہ چپی کثہ کنت ، ہماں خاصیں طبقہ کہ آنہی وجود ئے معاشی حالت اشیا ہمے کار ئَ واسطا تیار کننت اور اشیا ہمے کار ئَ کنغا پہ امکان او طاقتہ دینت۔ وختیکہ بورژوازی ، راہک او سجہ ایں پیٹی بورژوا گروپاں بھورینی او کنٹروکنٹرو کنت ، آں پرولتاریہ آ مضبوط کننت، متحد کننت او منظم کننت ۔ چھڑو پرولتاریہ ،کہ مزائیں پیمانہ ئے پیداوارہ اندرا وثی معاشی کرد ئَ سببا ، سجہ ایں ورکنگ اور استحصال بیثغیں مخلوق ئے لیڈر بیغہ لائخا ایں ، ہماں مخلوک ئے کہ بورژوازی استحصالہ کنت اِش ، لتاڑی او چیتاڑی ثش، پر آںوثی نجاتا پہ یک آزادیں سٹرگل اے شروع کنغہ لائخا نہ ینت۔
ریاست او سوشلست انقلاب ئے معاملہ ء چکا مارکس ئے گزر کثغیں طبقاتی جہدہ تھیوری لازمی صورتا پرولتاریہ ئے سیاسی حاکمی ئے تسلیم کنغہ پلوا باڑت ، اشی ڈکٹیٹر شپہ پلوا ، یعنی سالم و سرجمیں اقتدار کہ براہ راست عوام ئے مسلح قوت پشتا جکثی ایں نیں۔ بورژوا زی ئے تختہ چپی کنغ چھڑو پرولتاریہ ئے حکمران طبقہ بیغا گوں بیثہ بی، کہ بورژوازی ئے لازمی او سختیں مزاحمت ئَ چیتاڑغ ، او نوخیں معاشی نظاما پہ سجہ ایں مزدور اور استحصال بیثغیں عواما منظم کنغا گوں حاصل کثہ کیث۔
پرولتاریہ آطاقت ئے سنٹرلائزڈ تنظیم ، تشدد ئے تنظیم یعنی ریاست گزریںتا کہ دوئیں کاراں کنت :استحصالی آنی مزاحمتا چیتا ڑی ، او یک سوشلسٹ معیشت اے منظم کنغ ئے کار ئَ اندرا آبادی ئے باز مزنیں اکثریت ئے (راہک ، پیٹی بورژوازی او نیم پرولتاریہ ئے )راہنمائی ئَ کنت ۔
مزدورانی پارٹی آ ایجوکیٹ کناناںمارکسزم پرولتاریہ ئے وین گارڈ (ہر اول دستہ) ئَ ایجوکیٹ کنت، کہ اقتدار ہ سنبھالغ ئے او سجہ ایں پرولتاریہ ئے سوشلزمہ پلو اراہنمائی کنغ ئے لائخ اَیں ، نوخیں نظامہ راہبری او منظم کنغ ئے لائخ اَیں ، ٹیچر بیغ ، گائیڈ بیغ ، سجہ ایں پورہاتی ایں عوام او استحصال بیثغیں مخلوقا بورژوازی آ بغیر او بورژوازی خلافا وثی سماجی زیندھہ آرگنائز کنغا اندرا ،لیڈر بیغہ لائخ ایں۔ اشی برخلاف نی ایں زوراخیں اپرچونزم مزدورانی پارٹی ئے ممبراں جوائیں پگھار والی مزدورانی نمائندگانی ڈولہ تربیتہ کنت ،آں کہ عواماگوں نزدیک نہ ونت کپٹلزمہ شیر ا باز جوانی آ ” چل انت “، او وثی سری سری پیدائشی حقا نغن ئے یک زمبے آ پہ شوشکنت ، بزاں بورژوازی خلافا انقلابی لیڈرانی حیثیتا وثی کرد ا ژہ دستبردار بی انت۔
” ریاست ،بزاں حاکمیں طبقہ اے حیثیتا آرگنائزبیثغیں پرولتاری “ ئے مارکسہ تھیوری تاریخہ اندرا پرولتاریہ ئے انقلابی رول ئے آنہی سجہ ایں تعلیما گوں جذانہ دیوخیں ڈولے آبستی ایں ۔ ہمے اصول ئے تکمیل پرولتاری ڈکٹیٹر شپ ایں ، پرولتاریہ ئے سیاسی حکمرانی ایں۔
پر، پچیکہ کہ بورژوازی خلافا تشدد ئے خصوصی صورت ئے تنظیم ئَ حیثیتا پرولتاری آ ریاست گزریں، تولازمی اے نتیجہ درکفی : اے قابلِ فہم ایں چہ کہ ہمے ڈولیں تنظیمے بورژوازی پروث ٹاہینغیں مشین ئے ختم کنغا ، تباہ کنغا ژہ بغیر ٹاہینتہ کیث؟۔ کمیونسٹ مینی فیسٹو 1848-51ئے انقلابہ تجربہ آ خلاصہ کنت سدھائی ہمے نتیجہ ئَ پلوا باڑت او ہمے نتیجہ ایں کہ ہمشی باروا مارکس ٹوکہ کنت۔