زیندھئےمقراریں دگے
اغرار مشتغیں انڑ دگے
گٹاں راستغاں ہم گرنچیں
گواشاں، رستراں ، سرگواثاں
میشاں ،میشلاں، مہ تاباں
مستاں ،مہلباں ، مرگ پینچاں
مارکساں ، مسنداں ،موسیقاں
ماراں ،مسواں، مسکیفاں
اسراراں عجب رنگیناں
عاشق ٹوہو، رائی چاری
زیندھ یہ لکاں بوٹی اے
زیندھ یہ باراں بازی اے
ایذااختیار مختیار مقراریں
ایذا انہ و انکار مقراریں
ایذا پاک پلیتی مقراریں
ایذا شاہ و نواوی مقراریں
ایذا یاغی باغی مقراریں
ایذاشینزار ڈٹکار موجوداں
ایذا دوستی بذانی سانڑیں آں
اے اقرار مقرار جبر اختیار
ازلی ابدی جنجالاں
گنڑتی تفکری سرحالاں
مں دہ کپتغاں گنڑتی آ
یار مئیں بانسکا وھاوایہ
شف جثی مجلساں وھاواڑتہ
ملگور مئیں ڈوبرا سر لٹاں
چی ئے بٹنڑاں پشکئیغاں
دستے ایرثی مئیں چکا
لحیفی پاذ مناں پیچنتی
ناغمانی جثئی ٹہکوئے
چوکہ بلورے کفی فرشارا
ضرور لیوے دوشی ایں گیرآتکئی
مں ژہ درکفاں گنڑتیاں
بوتے چکثئوں ہوش آتکئوں
باما رنگثئوحال داثہ
جبرواختیار گی ایشتہ