خاران
بلوچستان او بلوچی لبزانک ئے تہا انچش کہ مردیناں گوں جوانیا وتی کرد پیلو کرتگ، ہمے وڑا زالبولانی ہم پہ بلوچی زبان او ادب ئے دیمروی بلائیں کردے ۔ آبا نل دشتیاری رنگا بہ بیت یا کہ بلوچی زبانے سر شاعر میر گل خان نصیر جِنک گوہر ملک …….. 7ستمبر2014 سنگت اکیڈمی آف سائنسز ئے پوہ وزانت نشست بلوچی زبان ے نامی ایں شاعر کواس وزانتکار میر گل خان نصیر ے جنک بانک گوہر ملک ے کردے سراجم دارگ بوت۔ نشت ے تہا سنگت اکیڈمی آف سائنسز خاران ے سیکرٹری جنرل پروفیسر شکور زاہد، نصیر کبدانی لبزانکی دیوان ے صدر جی آر ۔ شاری ، غنی حسرت، ارمان آزگ، کلیم ارمان ، بیرزات ، دیوانے تہا جارچینے ڈب ضیا شفیع کو پگاں ات ۔پروفیسر شکور زاہدا بانک گوہر ملک ے سراوتی ہیال درشاں کرت و گشت کہ بانک گوہر ملک اولی زالبول بوتگ کہ آئی گیدی کِسہ و کہنیں و گاریں سر گوست گوں وتی جدوجہد ادیما آﺅرتگ ۔ بانک گوہر ملک ے کسّہانی تہا گہشتر ہما کہن و قدیمیں بلوچی تاریخ و دور او ربیدگ گند گا کیت۔ اشیا ابید بانک گوہر ملک ے شاعری ہم باز وش ایں شاعری اے۔ بانک چہ وتی پسا بازسکین زرتگ۔
جی آر شاری وتی ہیال درشاں کرت و گشت ۔ بانک گوہر ملک پہ بلوچی زبان و ادب و گیدی کسہ و شاعری آ سک باز کار کرتگ۔ بلیں آئی ے بدلہ بلوچی گل و اکیڈمی پہ بانک گوہر ملک ہچ نہ کرتگ ۔ یکیں سنگت اکیڈمی آف سائنسز ماہتاک سنگت کوئٹہ و ڈاکٹر شاہ محمد مری ئے منتیں کہ آئی بانک گوہر ملک ے مواد چن و لانچ کرتگ ، یک پہ یکا ماہتاک سنگتا چھاپ کرتگ انوں منی بس ہمے یکیں، دزبندی نت کہ ڈاکٹر شاہ محمد مری صاحبا کہ بانک گوہر ملک ے ہر چنکس مواد چن ولا نچ کرتگ ۔ بائیدیں انوں اشیا ں کتابی رنگ دیگ بہ بیت تاکہ آﺅکیں پدریچ شہ بانک گوہر ملک سرپدی بزور یت ۔
دیوان ے گڈ سرایک مشاعر ہے بوت ۔ مشاعرہ تہا پروفیسر شکور زاہد ، جی آر شاری ، ضیا شفیع ، غنی حسرت، ارمان آزگ ، کلیم ارمان ودومیاں وتی شعر و انت و شہ دیوانا دلبڈی زرت۔ سنگت و پوہ زانت ئے آﺅکیں نشست5 اکتوبر2014 آمیر گل خان نصیر ئِ سیاسی جدوجہد ے سرا جم دارگ ئے جار پرینگ بوت۔