ہرفے کنے انت اَجَل
سوغند ہر فے سنگتی نا
پیش تما انتئے دغل
خن تے ہَلو حالَ کنا
خن تے سخت اَس مالَ کنا
ننگ و معیار شالَ کنا
لنگڑ ہس او اَڑکرے
دوشس ہس او پَڑ کرے
کوٹور ہس او لڑ کرے
کیرغ شاغا ڈیہے کنا
پارے دا تو مے ئے کنا
تہار داستہ دے ئے کنا
حال آن بٹے مال اے درے
ورمی نا سالے درے
بٹے کنے ڈَبَ ٹی
شولا کنا تُزمی تے
دھینی دھینی کنیژوہ
سِل و ہریٹ جَبَ ٹی
لٹے کنا کاٹما
سٹے کنا کاٹما
لِخ لوپ ہریٹ ای گُٹو
صفا انگا اُست کنا
پاداسہ اُست کنا
سیاہ انگا دے کنا
پا چِوَد آکُٹو ئے
پھرَ ٹی ہر ا بَسُٹ
ہر فے کنے انتئے اَجَل
تیر آ انتئے تھما کنا
کوٹ و دُرُوھ و دغل
