گلیلیو گیلی وینس رپبلکہ یک نوخیں دریافتے پیش داری
نزوریاں ژہ کس پاک نَیں
مزں شانیں گلیلی ورغہ وہش بی
امیدیں کہ تہ ناراض نہ وئے
دور بینہ حقیقتہ سما کفغا گوں
پورٹہ وٹا وینس ئے مزائیں ہتھیار جاہ
سینیٹر اَنت، اگھ اگھا مزائیں میجسٹریٹیں،یہ تکے آ گلیلیو ئے دوست ساؔ گر ید و اور گلیلیوئے پانزدہ سالی ایں جنک ورجینیاؔ ،مخملیں گدیلائے چکادوفٹ دراژیں دوربینے ایریں کہ سہریں پوشے آ پوشثی ایں۔ سٹیجہ چکا گلیلیو، آنہی مسکا دوربین ایر کنوخیں سٹینڈ او وٹا شیشہ سازیں فیدرزونی۔
گلیلیو: مزن شان ،اشرافیں سِگنوریا! شمئے پاڈو آیو نیورسٹیا ریاضی ئے استاد ہ حیثیتا پڑھا ئینغئے وثی مزائیں ذمہ داری پیلہ کنغا اوار،مں یکو وثی فرض گنڑثہ کہ وینس رپبلکا وثی عملی دریافتاں گوں فائد ہاں دیاناں برواں۔ مں باز وہشی اوعاجزیا گوں شمئے خدمتابالکل نوخیں سندرے پیش داراں ۔ وثی دیر گندیں شیشہ آں،یا ،دور بینا۔ اے شمئے مشہوریں ہتھیار جاھہ اندرابڑ زتریں سائنسی او مسیحی قانونانی سرا تیار کنغ بیثہ۔اے، شمئے فرمانبرداریں اے نوکرئے ہبد ہ سالئے صبرناخیں ریسرچہ میوہ ایں۔
گلیلیو سٹیجہ ژہ ایر کفی روث ساگرید ووٹا نندی۔
تاڑی و جنت ، گلیلیو مہربانی گشغہ پہ ڈولوبی۔
گلیلیو:( ساگرید وئے گوشانرمی ءَ گشی) وختہ برباد کنغ۔
ساگریدو:(نرمیا) اڑے یار، تراخاصائی ئے زرد یغی ینت یا نہ ؟
گلیلیو: ہا ۔ کنریں چیزے زر ڈھی۔ آں اغدّہ پبلکہ پلوہ ڈولوبی۔
رجسٹرار: سٹیجہ چکا درکفی۔ مزں شان ، اشرافیں سگنوریا! مرشی اغدہ آرٹ و علمئے مزں شانیں کتابہ لا فا مشہوری ئے یک پناّئے وینسہ ناما گوں زیبا بیثہ۔ادب و عزتئے نر میں تاڑی و جنت۔مزائیں عالم و استاد ترا ، چھڑو ترا ،جو انیابہا بیوخیں دو ربینے داث۔ہر چی کہ تئی دل لوٹی ہمانکر ٹاہینائینی اور ہر ہندے کہ تئی دل لوٹی بازار ا ایر کنیں۔ دروکازورہ گوں تاڑی وجنت۔دوہمی ٹوک ایشیں کہ ہمے سندر ا گوں ،ما ردژمنہ آفی جہازانی اشمار، او نمونہ ئے بار ہا دو گھنٹہ آپیشا سما کفی ۔ہذیں ما آنہی طاغتہ گنداناں فیصلہ آکثہ کنوں کہ آنہی اگھادرکفوں یا یادگّایلہ کنونیں۔ باز زورہ گوں تاڑی و جنت۔اونِیں مزں شان ،اشرافیں سگنوریا، استاد گیلیلی گوں تو عرضہ کنت کہ آنہی جندہ ایجادا، آنہی دماغہ جدتئے اے بے مثالیں ثبوتا آنہی زیبائیں جنکہ دستاں قبول بہ کں۔
سازوجی، ورجینیا دیما روث ، ڈولوبی اودوربینہ رجسٹرارا پیش کنت ، آں ہمشیا فید رزونی ءَ داث ۔ فیدرزونی اشیا سٹینڈہ چکا ایر کنت ۔ مزائیں میجسٹریٹ او دوھمی سینیٹر سٹیجہ چکا کاینت اے دوربینہ اندراژہ سوادھہ کننت۔
گلیلیو: ( نر مڑ وئیا ) مں گوئشتہ نہ خناں کہ مں ہمے تماشہا آخرا داں برداشت کثہ کناں یا نہ۔ اے مخلوقہ خیال تہ ایشیں کہ آنہاں زر دیوخیں لیوی چیزے دست کپتہ ۔۔۔۔۔۔ پر منی ہمے ایجاد تہ باز مزائیں کا راں داث۔ دوشی مں اشی رُخ ماھہ پلو اکثغث۔
ساگریدو: گڑہ تہ چے دیثہ؟
گلیلیو: ماھہ روژنائی جند ئے نَیں۔
ساگریدو: چے؟
یک سینیٹرے : استاد گلیلی مں سانتا روز ینا ئے قلعہا دیثہ کنغایاں۔ آں‘ اوذابیڑی اے چکا ماہی گیرنیم روشہ نغنا ورغاینت۔ سجی کثغیں ما ھیاں۔ مئیں تہ دف آف بیغیں۔
گلیلیو: مں تراڈساں ،استارانی علم یک ہزار سالاژہ یک گامے دِہ دیما نہ ود ھثہ ، اے سبباکہ آنہاں گوئر دور بین نیستہ۔
سینیٹر: استاد گلیلی!
ساگریدو: آں گوں تو ٹوکَیں۔
سینیٹر: اے سندراگوں تہ ہر چی باز جوانیا سہرا بیغیں ۔ مں تہ وثی لوغہ رواں وثی زال چکاں گشاں کہ نِیں کوٹو ہ چکا جانہ شو ذغا یلہ بہ دینت۔
گلیلیو: تراسمائیں کہ کلکشاں( گرانڈ درک) چے آ گوں ٹھیثی اَیں؟
ساگریدو: انّا۔
سینیٹر: استاد گلیلی! اشیا ماکم از کم دَہ کلدار ا آراماگوں شوتکہ کنوں۔
گلیلیومہربانی گشغا پہ ڈولوبی
ورجینیا: لودو ویکو آ پثہ گوئر کاری۔ ابا ، لودوویکو ترا موارکی دیغاباڑائیں۔
لودوویکو:لجاّکناناں سائیں ترامبارک با ۔
گلیلیو:مں اے باز گہترکثہ۔
لودوویکو: بالکل ، جی ہو۔ مں گندغاں کہ تہ اشی پوش سُہر کثہ ۔ ہالینڈا اے سبزاث۔
گلیلیو: ساگریدو آ گوں مئیں دل شی کہ اے چیزاگوں مں وثی تھیوری ءَ ثابت کثہ کناں۔
ساگریدو: پاریزاکں، احتیاطاکں۔
رجسٹرار: استاد گلیلی! تئی پنچ صد کلدارتہ نِیں کرو بیثغت۔
گلیلیو: آنہیا بھر ءَ نہ داث۔بے شک ، مں وث دِہ نہ لوٹاں کہ وختا پیش نتیجہ اے کشاں۔
مزائیں میجسٹریٹ گلیلیو آ گوئر کیث، یک ڈالائیں، ہژ مبثغیں گراں تواریا گوں آنہیا گوں ٹوکہ کنت۔
رجسٹرار: تعارف وپجاروکیا کنائیناناں استاد گلیلی ، مزں شانیں مزائیں مجسٹریٹ۔
گلیلیو: بے شک ۔ پنچ صد کلدار ۔ مزں شانیں واژہ ترا دو ربین وہش آتکہ؟
مجسٹریٹ: بے بختی ایشیں کہ رپبلکہ اندراعالمانی سرپرستی اوزردیغاپہ معتبرانی راضی کنغا نیمونے گزریں۔
رجسٹرار: استاد گلیلی، شمئے اندرا کار ہ کنغہ جذبہ ہمے ڈولا آتکہ بی ۔
مجسٹریٹ: برشکنداناں مارنیمنے تہ پہ کاریں۔
مزائیں میجسٹریٹ او رجسٹرار گلیلیوآ سینٹراں گوئر برنت ۔ آں ہمشیا گوئر مچہ بنت۔ ورجینیا او لودو ویکو چپیا یک پلو بنت۔
ورجینیا: مں دوربین جوانیا پیش کثہ نہ؟
لودوویکو: ہامئیں دل شی تہ جوانیا داثہ۔
ورجینا: گڑہ تراچوں بیثہ؟
لودوویکو: نہ نہ مناں ہچی نویثہ۔ مئیں دل شی سوزیں پوش بیثیں دِہ ہچ بھئی نیستہ۔
ورجینا: مئیں دل شی آں ژہ اّبا آ وہش انت ۔
لودوویکو:او مئیں دل شی کہ مں دِہ سائنسہ بار ہا کمڑو کمڑو پوہ بیغا شروع بیثغاں۔