مناں یادیں خداوند قدرتانی
محمدؐ ضامنیں نیکوبَذانی
اْمیداوراں مَں بی تَھئی اِسانی
مناں قربان اَمْل ئے َ کَھنَدغانی
مَتاہیں مانٹرکی پَہرے وَرانی
اَمْل سرتاج و سونہیں اَمسرانی
میانی گْوہرے لیمو برانی
تہار ماہا سرا کھَن مائے خانی
منے چھو شاذِہی دیدار کَھنانی
دلَوں آبادءَ کھَں دوست کھَندغانی
گل ئے دْرّیں دفے مْروھاذرانی
چراغی روخیں نی دِیم تھنگوانی
رَڑیں تھَا فریشتہ غاں جاں نرمَغانی
اَوَل بازار کْھذیش سَر مافرانی
دو مْہرئے داثئی مْڑدانغانی
سَرْ وچَھمّاں کْھذؤں دوستہ نشانی
اْمید واراں مَنے بَہرئے گِرانی
کھنئے برخیز وکھائے ناغمانی
مثل شہباز و جنگی حلمہ ہانی
مناں سائیں تھئی زرّیں بانزرانی
تھرا مئے پارتیں بے چارغانی
گْل ءَ دِیم تَھنگَو وعینے بلوخاں
نظر چْھو جابَہی تِھیراں جَنوخاں
تَھوَئے گْل و مَنے بَھونری پَھرو خاں
شفْ روش پہ تَھئی زِڑدا گنوخاں
دوئیں ابروکماناں مثل نوخاں
دوئیں گور پاں گورو ہڑدو ہفوخاں
رشاں جیہر گْل ئے سہثانہَ شوذاں
رواں جیڈی گْلا ڑَہ وھاوءَ موذاں
صباحاں درینہ بی کھوشتی مَں نوذاں
اْمیدو آسروں بستؤں شموذاں
منا عرضیں گوں پاکیں لامکانا
دلی دوستاں کھنے حیرو امانا
صبا حاں سنج کھناں تھْرندیں بِہانا
رواں دَں گورغیں دوست ئے گِذانا
گورزالعلا وحِیریں مائے خانا
جْڑنتھی جَوہَرو موتی مَں جانا
سوائیں اَڑ منی صفت و بیانا
کھناثئے مئے سرا نیکیں دِہانا
گْشاں راست و روان راہِ حقانا
مسلمیں زاذغاں ربّہ امانا