ماچے آ پہ ،
قوماں، عواماں
بحثاں کنغاؤں؟
ختم کنیں تباہی آں،
ٹپاں
او نقصاناں۔
بڑزاریں بیرکاں
پاکیں جنگ ایغاں
خلافا
جہانی لیول ئے بھوتارانی !’’
ہمنگا مانا غایث
کہ چوکہ
داخلی ڈولا
درمبھاٹ کنوخیں
توپ چِنشی
او آنہیا بال داث۔
کئے پیدا کَنت
نازلکیں ایں انسانا ؟
کئے گیرءَ کاری
آنہی ناما ؟
‘‘تسلیم بی!’’
یک ملکے آ
دوہمی ملکا گُراناں گوئشتہ۔
مانا غایث کہ آں مڑاناں رونت
ملینیم ایں سالاں دَہ۔
مگر آخر اے ختم بیثہ۔
او سوب کٹوخ کس نہ یث۔
سوائے یکے آ۔۔۔۔
کامریڈ لینن ۔
امپیریلزم
مردودیں
تہ مئے صبر پلثہ،
کہ وختے پہ فرشتہ آنی ڈولا یث۔
باغی ایں روس آ
تئی کِبر بھورینتہ
ژہ تارس ؔ آ تاں آرکینجل ؔ آ ۔
اے یک سلطنتے ئے ٹُکرے نہ ایں
ملنڈے نہ ایں اشی سرا قبضہ
اے دو سریں بانزیں
طاقت ، والائیں
کنڈھی چونچیں ۔
او گڑہ دِہ
ماتُک جثہ
یک ختم بیثغیں غیر ضروری ایں پُچے ڈولا
آنہانی شاہی سلسلہ
گوں سجہ ایں جُھُل پلّاں
ریگل او لیگل ۔
قوم
گپ ورِب آ ژہ درکفغ ئے جہد ا کناناں
دراہیں جاں ٹپ ا و ریش
اشی چکا ہرہندے مستغیں ہون ۔
کذیں دَہ ہمنگہ بی ؟
کذیں دہ پورہات ءَ کنت
پہ بورژوازی آ؟
اے سوویت اے پچے نہ ٹہی ؟
‘‘عواما
پروشتغنت بادشاہی ئے جولاں
روس گرذغیں،
روس آس زڑتی ئیں’’
لینن آ پڑھثہ
اخبار ہ اور چٹھی آنی لافا
سوئٹزر لینڈ ہ اندرا
او ذکہ آں ہماں روشاں جل وطن اث
پر کسے چے کشتہ کنت نتیجہ آ
اخبارانی تراشہ آنی زنزیراں ژہ ؟
یک ہوائی جہازے بیثے
آسمانہ پلو ا اشتافی ۔۔۔۔
لینن شُت روس آ
تاکہ مذت آ کنت
جنگہ پڑامڑو خیں مزدورانی
بس ہمش اث
آنہی یکیں گزر او خواہش
پر بالآخر
پارٹی حکمہ چکا
آں ریل گاڑی ئے پہیہ آنی چک ئیں ۔
اغر
قاتلیں قیصر ا
سمابیثیں
کہ جرمن مال گاڑی
جرمن مُہر ءَ شیرا
آرغیں
بمبے
پہ آنہی بادشاہی آ !
***
پیڑو گراڈ ئے مڑدم
دِرکاں دیغئے ثنت
گوں خوشی ئے جوشا
گوئنڈیں خوشی لافا
لینن اے استقبالا پہ
پر ، پیشا ژہ ،
سہریں ربن والائیں
ٹیپ ٹاپ اندرا
نیوسکی ،
مُچی آ پُر بیثہ
گوں غداریں جرنیلاں۔
گوں نا پاکیں ارادہ آں
ہیل اثنت آں پہ اشارہ آ
پہ پولیس ئے ٹلینگوخیں
سیٹی آں
ھذیں دَرَپ ءَ دینتاں آں
بورژوازی
پیشا ژہ اشی شروع کنغہ کیغا کنغ ئیں
سری سری
چھڑو ٹرائی
کہ آنہی چکا ملنڈہ کننت مڑدم
گڑہ مزائیں شارک
درکپتغنت
پہ لوہڑغا
قوم ئے ۔
گڑہ
دردؔا نلسکی آتکہ
اِنّہ ، آں تہ ملیاکوف ایں
او آخر ا آتکہ
ولی عہد پرنس میخائل
گو ں جوشا
وثی تاج پوشی کنا ئینغ ئے ۔
وزیراعظم پیداغئیں
اقتدارئے طاقتہ سببا
لُڈی گوں مُرگ پرّی جلوہ آ
مزں تواری آگشی سوتاں ۔
وختے چوش مانہ کئے
کہ گنوخا نی وڑا
کسے ءَ ناحق دڑَواں جنت
مادانڑتی نہ جھل اثغ اث
فروری ڈولیں ڈکھ و آزمائش
آزادی ئے سرپذیں ورنا
جنگ ءَ شتؤ مڑغئے ثنت
ورنائیں سپاہی
اُررتکغنت مئے چکا
او آنکہ رونقی اث انت
سیکا لغئے ثنت اش
آں سوشلزم لوٹوخ انت
پر، اصلامں غدار اثنت
آں سوشل ریولیوشنری او ساوِن کوف ئے
منوخ انت
پر جکثی ایثنت پہرودارانی ڈیوٹی آ
گوں مانشویکاں
مسکین ایں بِھلّی ڈولا۔
ناغماں
شہر ءَ اندرا
گرّہاٹا کناناں
گُزاناں ژہ
مزں کندھی ایں نیواآ
شاں پلو ا،
ژہ فن لینڈ سٹیشنا کئیثاں
وائی بورگ ئے درشینا بیاناں
گرہاٹ کثہ
یک آرمرڈ کار ے آ۔
او اغدہ
تیزیں گواث
اشتافی بیاناں،
انقلاب ئے گرپیڑا
ودھینتہ
ہموذکہ دیثیں
کیپ او بلاؤز آنی
سیلاب ولوڑ
‘‘لینن پجی اَیں مئیغا !
لینن زندہ باد !’’
‘‘ سنگتاں ’’،
اوصذانی حسابا تاڑی جنوخانی
سغرانی چکا
دیمادراژہ بی
یک راہنمائی کنوخیں دستے
‘‘ بیائیں یلہ دَوں
سڑثغیں سوشل ڈیموکریٹ ئے آ رائشی سازوساماناں
دھس اوں ماکپٹلسٹاں
او آنہانی چاپلوساں
ہاخانی اندرا!
یا
دراہیں جہان ئے
مزدوراں، راہکاں
یک آواز ءَ گشوں ۔
’’نِیں وخت آتکہ ، مئے وخت
زندہ باد
کمیونزم تعمیر کنوخانی پارٹی،
زندہ باد
مسلح جدوجہد
پہ سوویت اقتدارا!’’
اے سری دھک ایں
گام جنوخیں
حیران کنوخیں
انسانی سمندر
رُستہ
پہ یک روٹین ایں چیزے کنغا
کہ یک زمانہ اے ناقابلِ حصول اث
سوشلزم۔
اوذا
گرّوخیں فیکٹریاں شاں پلوا
اوذا
افق ءَ چکا
گوں طاقتا
اے بلغئیں ناں مئے دیما،
کمیون بانگھ ئے ہمشیں
بغیر ژہ بورژوازی آ ،
بغیر ژہ پرولتاری آ
بغیر ژہ غلاماں
بغیر ژہ واژہ آں ۔
خوش آمدی آنی
ہُژ گرنچ کثغیں
ساذ
بوتکہ لینن ئے یک تقریرے آ
ہر ساعتے آ
ہلجا آگوں
‘‘بالکل
لینن !
ہمشیں کاروائی کنغہ وخت !’’
کشسکا یا محل
ہلچل ای ایں دژمناں کمائینتہ
مرشی حملہ کنغ بیثہ
گوں آسن تلوئیں بُوٹاں
اشیں اے ہند مرکز جوڑ بیثہ
نز آتکغنت فیکٹری مزدور
ہمیذا
لینن ئے بھٹی اندرا
آسا کثؤ
او فولاد ٹاہینغی
گوئشتغ اثی بورژوای آ
‘‘ باز شوا واڑ تغنت پائن اپیل
باز شوا کفینجرلوہڑ ثغ انت !
شوئے روش ہنّی پیلوانت،
اوبورژوا زی چچڑاں !’’
مطالبہ ماپیشا کثہ
تاں ہندا ژہ ، او پچے؟
شمانہاں کہ
بھوتاراثنت،
سُلکاٹ او ہڑکشتغانی ڈولا تنگثغ انت مال گریوانی
او
جولائی ئے ڈریس ریہر سلانی نیاما
دست لیوارتہ ثش وثی سغنداناں
گوں ریوا لورانی نالی آں۔
آنہاں دراژیں نیش کیندر کثغ انت
آنہانی نغاہاں قتل پر مائینت؛
آنہاں گرندثہ
‘‘فساد کنوخیں غلاماں!
ماشو آر وھشین آں وارئینوں’’
کیرنسکی آ آرڈر لکھثہ؛
‘‘لینن کُشغی ایں شوار
او زیلادئیت آ زینو ویف ءَ ’’
گڑہ پارٹی
انڈر گراؤنڈ بیثہ۔
لینن فن لینڈ ئیں
محفوظ یں ہئیر مَیری ئیں
لکثی ایں
یک شمبانی جھگی اے تہا۔
دژمن پہ آنہی پولغا
شکاری ایں بینگانی
گلیسغہ ڈولا
تیاریں
لینن دیثہ نہ یئے
پر گڑہ دِہ نزیخیں،
او وخت و واقعہ
نہ کوشتنت۔
ہر نعرہ اے
لینن ءَ آئیڈیا ئیں
ہر گامے
گائیڈ کثی ئیں
لینن ئے دستاگوں ۔
ہر لفظے
لینن ئے
گندی ڈغارا ریجی آ
او گوں کپتی آ
سذت
دیم ءَ باڑت مئے کاز ءَ
او گند۔۔۔
پجی پجی ءَ
لیننسٹ ایں مزدورانت
ملین ایں راہک انت
وثی حلقہ ءَ اندرا اے چِکّی
او
بیر یکیڈاں زوار بیغاپہ،
گشیں تئیش
یک روشے بازیں روشاں ژہ
گڑہ پیٹروگراڈا
مزدوروانی مذت آ پہ
آتکہ لینن۔
‘‘ کامریڈاں
ماباز انتظار کثہ
‘‘کپٹل ئے جُغ ایں
لنگھڑیں
ڈاکو انت، جنگ انت
او دزّی ایں ، دخل ومداخلت اَنت
دیما وثی وختہ چکا
کہ نظر کاینت
اے سیاہشیک انت
تاریخ ئے رخ ءَ چکا
اوڈھرانتاں آں ’’۔
پر آئندہ
کہ گندوں ما
اے روش آ
سری چیز کہ نظر کیثاں
آں صورت ایں لینن ئے ،
ہزار سالیں غلامی ئے
آجوکنغ آپہ
کنغئیں روژنا دگ ءَ
داں کمیون ئے زمانہا
او سختی او نیز گاری ئے
ہمے کل سال
ڈُبنت ماضی اندرا
او کمیون ئے
تاء گرمیں
مئے گلوب ءَ تا ءَ پُجین نِیں
او باز
وشیں میوہ وہشی ئے
بالآخر
پش انت
ژہ اکتوبر ئے پُلانی
سُہریں رنگ آ۔
او گڑہ،
ہمنگیں وختے کئے ضرور
کہ وانوخ واننتاں
لینن ئے حکم آنی،
زڑد تروخیں صفحہ آں
او
محسوس کننت گرمیں لہرے
جوآنی آ آنہانی ڈوبرانی اندرا
او آنہانی دیذغاں ۔۔۔
گرمیں انڑزی در کفنت
وختیکہ مں پولاں
وثی زیندھ ئے
کلّاں ژہ مزں شانیں
روش ءَ ،
جوآنی آ تلاش کناناں
ہماں سجہ این آ کہ مں گوئستغاں او دیثغنتوں،
مں نام گپتہ کناں