انجیلیکا ئے یاتا
(انجیلیکا بورخیس ئے شش سالیگیں برازتکے ات کہ اوٹگے آ کپتگ وُُ مرتگ)
ہمے کسانیں مرگا
چنچو زیباہیں رپتگ انت زند
چنچو نہ بیتگیں کسّہ
کہ نصیبانی یاتانی میار کرت انت
یا لگوشتگ وُُ کپتگ انت؟
وھدے من مراں زیباہیں گوستے مریت
آھجگیں کُرمگ کہ سرپگ لوٹ ات
بے راہمیں آپا کپتُ ُ مُرت
استاراں چموکیں بانداتے مُجاں پیڑات۔
ہمائی ئے رنگا ہزاراں نصیب
چمنا ناگہا جتاو گستا بنت
من مرتگاں
من ساھگ کہ منی ملکا ،چیدگے اَت
ہزاراں مرتگیں کوہنیں کسّہانی ارمانا کنت
اسپیتیں سِنگ ئے شکّے آنہی ترانگا پرّ ینیت
بے راہمیں راجدپتر مئے سرا ساہیل انت