دڑداں مانیں غریوعوام
نئیں درکار مارہمے نظام
رمغیں ڈھوریں ڈولا کپتو
زندا گزارغیں تھیو غا عوام
ظلما ذوراخ کھنغیں کپتو
لُچاں نیستیں ایدا لغام
جنگ وجدل لُٹ و پُھل
ایذا استیں صُحو و شام
ڈیہے مڑدم گژنغ لافاں
دری آں ملغیں ایذا انعام
سرکار، سردار، جاگیردار
مست واستاں مست مُدام
اُڑدو لشکر وزیریں استیں
نیستیں ایذا کھس حُکام
غیرت حمیت ہچ نہ رھزا
خطرہ مانیں ننگ ونام
نیستیں قدر نیا نڑیں ئے
بے حیائی بیثہ نی عام وجام
آف ئے ڈولا روز رچغیں
مڑدم حونیں لٹکا دام
دیثو حال غریویں ایذا
وہاو استیں مئیں حرام
رفیق دانہا دیغیں تھرا
تھئی گواستیں ہم کلام
