سماء دڑتہ، ڈغار تپتہ، دلا دھشت طاری ایں
قیامت خیزیں منظر، ھنگرانی ہؤر و ھاری ایں
خدایا چھے لقا بیثہ ، اِلے چھے پیشغ شزا مِلثہ
زوانا نفسی نفسی ایں،وجودا بے قراری ایں
گدرولاں پہ اُرہ تاخت انت، ہماں شہرے گُنا ہانی
سغر من نیز غاں گون انت، بُت بینگاں دھواری ایں
اے بے گورو کفنیں لاش شہ بر رستراں بازانت
پہ دفنا چنکھ ہاخ ئے نے ، زمین زلزالھاری ایں
جبل ٹکر ثغ انت نیاما مہ ہر شے اَستہ دنزبیثہ
ہماں گردو غبارانی تہا توبہ و زاری ایں
ہزاریں زیندغ ایں لاشانی دف دوختئی ایں بے ساہ انت
ہماں در گوریں چھماں شہ، دو دریا جاری ایں
زمینا یاکہ آزمانہ شہ روشے عُمرے چھوبیئے
اُمیدانی سرا مندوست ، زمانہ دم گُزاری ایں