تَو بلکیں پہمیتگ
دو آرا دو کہ پِر کنئے
داں چَار بیت
۔۔۔۔۔
بلئے
زر ئے
شپ ئے
دل ئے
کتابادرجنئے
داں چو نہ اِنت ،۔
اِے زندگی ، دو تامابہر کنت
وتا
منا
ترا
زمانگا
ھزانگا
داں ساہ بروت بئیت
برے گْلاب بیت وگیمْریت
برے شراب بیت ونْکّ آکْچلیں زہیر ایردنت
اِے زندگی ھدا ئے دیدگاں نبشتگیں الہامی قصہ ئے !۔
کہ وھد ئے مکتبی ئے بستہ آ
کتابے ئے تلا
کرچک ئے لشکرے آ
پیر کتگ
اگں تو جْست گِرئے منا
داں نِزء من!! ۔۔
دلارا جیڑگی نہ اِنت
ہزار ڈول وداب سازگی نہ اِنت
لَکیر ئے یکّیں نیمگہ اوں ٹیکّگی نہ اِنت
دلارا دَرد ئے شیرکنی ئے راز
بلکیں دوست بیت !
بلئے دلا را گریوگی نہ اِنت
حِساب ئے نَقشیں دیدگانی نْور کوہن بنت ،
اوپیر بنت
سفر سواس وپاد ئے سنگتی !۔
اگں تو پِر کنان بئے
اِے نَمبراناں نَمبرے
اِے سَاھگاناں ساھگے
نہ گوات لڈگاں منادئینت
نہ آسمانابالی مْرگ؛
بانزلاں
گوں کندگاں
گلاب وآسمی ئیں گواچیاں
دئینت
من بْن ازل زبہر ،
دو رنگیں دور ئے گردشا
اگں یہ روچے آسمائے تَہلیں جنگلاَ نِشہ بہ بنت درائیں درچک
بِہ ناچ ایت آس ئے برھنگیں توار
بِہ شَہمیت آپ ئے نْگرہیں کِشار
بِگندئے شھر ئے سرد بیت لوار
تَو پہمیتہ
کہ رنگ ئے صْورت ئے نِگار
زَرد بیت داں زَرد بیت
سْہر بیت داں سْہر بیت
نَہ پہمیتہ اِے، تو کہ آس ئے تاماآپ زانت
گتراگے زندگی ئے قصہ آبدل اوں کنت
اگں بِہ پہمت اتنت
گڑا ماں جزم اِتاں
کہ تئی گورا
دو آرا دو کہ پِر کْتیں! ۔
داں چَار ئے رنگ مَٹّ بوت
________ یا پنچ بوت !۔