کجا شت انت ھما نوبت ھما باریگ
کہ ارس مئے بچکندگانی مدام چمانی تہ استت
ھما وھداں من چو بیاراں پدا سرجم کناں گوں تو
ھما پاساں من سک ماراں
بلے ارماں شت انت آ دؤر ھما باریگ پدا واتر کنگ مشکل
ھما جاھاں ھما راہاں ھانل
کہ روچ ئے سد برا من وْ تو دچاریگ بوتاں
سد افسوز منا مرچاں کجام دؤرئے تہا گارئے
نزاناں تو منا یادئے نزاناں چہ من بے ھالئے
بل ئے من ترا نباں بے ھال اگہ تو وش ووش ھال ئے وتی دنیائے بازارا
ترا اللہ سلامت کن
تئی دنیا ببات آباد
من عاجز اے دعا لوٹاں
ملوری تو مگنداتئے
ترا اللہ سلامت کن