نگاہاں چے بگشتیں شپ جتیں دنیائی ئے دیما
لگشتگ ماھیکان ئے رنگ تئی، زیبائی ئے دیما
نزاناں چونیں اسمے آئی ئے پیشانی آ گون انت
درئیں گویاک بند انت مسل ئے گنگا آئی ئے دیما
منی ایوکی منی دردانی بروچا شریدار انت
نلوٹاں مجلس ومچی وتی تھنائی ئے دیما
وتی گنجائشا دیما براناں تستگیں زندا
من ھچ پرواہ نداراں دھر ئے بے پروائی ئے دیما
تو قاضی بلّے شھر ئے مکتباں شانزہ کتاب ونتگ
تئی زانو گری چی ئے منی رزوائی ئے دیما