اوہاجھمر مریندے امدے ہائیں
اوہو پھیر اڈیندے امدے ہائیں
اساں جھومری مست قلند ہائیں
اسا اپنڑے وسبے اندر ہائیں
ول پیردے نال ہے پیر کھڑا
دل تاڑی دے سنگ تاڑی ہے
اوہوا گلاڈھول پیا وجدا ہے
پئی اگلی جھمر کھڈ یندی اے
توں جو سمجھیں
توں جو جانڑ ئیں
دل جھمر مریندے امدے ہائیں
پورا شہر جگیندے امدے ہا ئیں
ساڈی کوک تاں سنڑ
ساکوں ڈیکھ تاں سہی
اساں ولدئے پئے ہائیں پھیرے وچ
ساری سنگت کھڑی ہے گھیرے وچ
ساڈی ساری کھیڈا ے رقص والی
ایں تخت کنوں اوں تختے تائیں
توں ڈیکھ کھڑا انہاں جھومریاں کوں
توں کجھ نہ کر ، ساڈے پھیرے گنڑ
ہے اگلے پھیراچ بھوئیں ساڈی
ہے اج ساڈی ، اتے کل ساڈی
اوہا جھمر مریندے امدے ہا ئیں
او ہو پھیر اڈیندے امدے ہائیں
Bohat Khoob