گل نال کیکوں لاواں تیڈے بغیر جیویں
کیکوں میں ڈُکھ سُناواں تیڈے بغیر جیویں
میخوار اَئے بیٹھن میخانے وِچ ہزاراں
پیواں تے کیا پلاواں تیڈے بغیر جیویں
بھاویں نصیب دے وِچ گئی ڈینہ عمر ہے باقی
کیویں عمر نبھاواں تیڈے بغیر جیویں
اللہ کرے جو میڈی محفل سجے کڈھیں نہ
محفل جے میں سجاواں تیڈے بغیر جیویں
تیڈی شکل تے دلبر ہیلک جو تھی گیاں ہن
نظراں کوں کِتھ ہلاواں تیڈے بغیر جیویں
تیڈا فراق شاکرؔ زخمی جو کر گیا ہے
پھٹ کیکوں ونج ڈکھاواں تیڈے بغیر جیویں