مائتھالوجی درستیں لبزانکانی سرچمگ انت۔
مہذب ومتمدنیں انسان چہ فطرتاسک دورگستامانیت ۔ بلے بنداتاانسان گوں فطر تاہمراہ و نزدیک ات۔ مائتھالوجی مارا ہنچشیں دورے آ بارت رسینیت کہ آوہدامئے دنیا نوک ات وانسان گوں گل زمین ، کوہ وزرو پھلان ات۔
اے متھ، دیوانی قصہ ، ہنچش کہ دست آہتگنت مزنیں شاعرانی تخلیق انت۔ یونان ئے اولی نبشتگیں شعر کہ دست کپتہ آ الیاڈIliadانت۔ یونانی مائتھالوجی گوں ہو مرابنابوت۔ گیشتر ہمے گوشنت کہ آشہ حضرت عیسیٰ ئے ودی بوئگا ہزار سال ساری ات۔ اے شاعری بے کساسا زیبا و ڈلدار نت۔ اے شاعری درشان کنت کہ معلوم نہ ایں چنکہ ہزارانی سال ساری آ مردم چون پہ ڈولداری وزیبائی وتی خیالان پہ شری بیان کرتنت۔ اے ہبروت یک مزنیں تمدنے ئے گواہی آ دنت۔
یونانی ہدا آوانی وتی پکر وذہن ئے پیدا کر تگین اتنت۔ پمیشا اے انسان صفتیں ہدایانی دوارپہ انسانان بیگا نگیں دوارے نہ ات۔ آوانی ورگ وچرگ، شادہ ومجلس درست انسانی ا تنت۔ آنہاں مہرومحبت ، کست وکینگ چو انسانان کرتنت۔ بس آمز نیں واکے ئے واونداتنت۔
متھ اصلا ابتدائی سائنس ولٹریچرانت۔ وتی چاگرد ابیان کنگ ئے ڈولے وزمستان ئے دراجیں شپانی کم کنگاپہ لبزانک ئے بھیرے۔ مذہب ئے ابتدائی شکلے۔
متھ (Myth) خیالی داستان یاروایتے آ گوشنت کہ آنہی تاریخی حیثیت ہم ہست۔ بزان گوں تاریخی داستانان ہم متھ ئے سروکارہست۔متھ یک مہلو کے ئے تاریخا ابید آنہی دیوتایانی (انگریزی آ دیوتا آ گاڈ گوشنت) پیدائش وکائنات ئے بارہا عقیدہانا سرجم کنت۔ بلے متھ ئے مستریں اثرماں لٹریچر وازم ئے درستیں تہرانی سرا بے کساس بوتہ۔ متھ ئے مستریں کمال آنہی خیال نگاری ، تخیلاتی تک انت۔ لٹریچر ئے و جو دبہ خیال نگاری ئے سر ا انت وآنہی تخلیقی کمال ئے بنیادخیال نگاری انت۔
بلے نوع انسان ئے درستیں زانت وزانت کاری توکا مائتھالوجی ئے زنڈیں ونڈے ۔ گوشنت مائتھالوجی بنداتی سائنس انت ۔ بنی آدم کہ ماں اے جہانا وتی چماں پچ کرت ووتی حیران کنوکیں، مگہ زیبائیں چاگرد ارادیست تہ آنہیا ہرچی ئے توضیح کنگ ئے جہد کرت۔ مائتھالوجی کائنات و آنہی چیانی ،پیدائش وفنائے توضیح ئے آسرانت۔
مائتھالوجی دیومالائی داستان ، تاریخ ،بنی آدم ئے لٹریچرئے بنداتی گوناپ ووڑانت ۔ لبزانکا ابیداے بنی آدم ئے علوم وسائنس ئے ہم بنگیج کنوک انت۔
ہر علاقہ ئے مہلوک ، ہر ملک ئے انسانانی وثی مائتھالوجی انت۔ انسان تاریخ ئے ہر دور ئے تہذیب وتی تخلیق کرتگیں مائتھالوجی بنت۔ سومری، مصری، بابلی، ایرانی، ہندی، چینی، جاپانی غرض کہ دنیا ئے ہرمستریں وکستریں تہذیب وتمدنانی،دودور بیدگانی وتی وڑ ئے مائتھالوجی بوتگنت۔ بلے یونانی دیومالائی داستان ، بزان گریک مائتھالوجی ماں انسانی تمدن وتہذیبا سک جلوہ نا ک تر و مہم ترنت ۔ آنہی اثرو جہلانکی وتالانی ترپوک وپیدا ور ترنت وسہرا ترنت۔
گریک مائتھالوجی آ یورپ وروش ٹبئے لٹریچر ئے ہر وڑوڈولا آد مگ ئے آرٹ واز مکاری آ راسک متاثر کرت وآیانا گیشتر زیباوجلوہ ناک کرت۔ روایرشتی زبانانی پرافتخاریں لٹریچر چہ گریک مائتھالوجی ئے درو مرجان ولعل وجواہران زیبا ترانت۔
مائتھالوجی ئے داستان واے داستانانی کردار ہمابن چمگ انت کہ چہ آنہی ہر زبان ئے لٹریچرسیر مراد بنت وآنہانی تخلیقات ابدیت ئے بے در ور ین لبیسا پوشنت ونمیران بنت۔
گریک مائتھالوجی انسانی پکر ئے دیمرہی کثغیں شر ترین نمونگے۔ آنہی دنیا پہ انسانی روحا ازرنا کیں ہندے نہ انت۔ یونا نیاں وتی دیوآنا انسانی پکر ئے ووتی جند ئے تب و خیالانی پیما تخلیق کرتہ۔ چد وساری آ اے ڈولیں خیالی دیوچہ حقیقتا دور اثنت ۔ سومیری ، مصری ، وبابلی دیوآنا گوں انسانا ہم حُب وواہگے نہ ات۔ بلے گریک (یونانی) دیوآنی گیشتر بہر توڑے نرین انت یاما دگیں چو انسانا ڈولدار وزیبا۔ آیانی سکہ وصورت انسانی انت۔ تب ومزاج ئش بنی آدم ئے انت۔ انسان چہ انسانا ارزنہ کنت ونہ ترسیت۔ پمیشایونانی دیو گوں وتی مزنی آ انسانی غم وشادہ وگل ئے پابند انت۔ اے ڈولا گریک مائتھالوجی آ بیمنا کیں جہانے آ پہ زیبناکیں دنیائے آمٹ وبدل کرت ۔۔۔ یونانی دیوگوں انساناں سانگ وسانگ بندی کننت۔ آہانی غم و شادہا شریک بنت وہر مشکل اے آہانی پلہ مرزو کمک بنت۔
گریک مائتھالوجی آ ہر زبان ئے لٹریچر متاثر کثہ۔ ہر زبان ئے نامی ئیں شاعرو قلمکار ازم گرو سازوز یمل ئے خالق چہ گریک مائتھالوجی آ بلدومتاثر بوتگنت۔ گریک ورومن مائتھالوجی ئے وانگ وزانگ بہ شریں لبزانک ئے تخلیق ودیمر ئی آ الم انت۔
یونانی شاعر ورزمیہ نگار ہومر جہانی لبزانک ئے روشن تریں استار اں یکے ۔ سے ہزار سال ساری ئے آنہی تخلیق کرتگیں رزمیہ داستان الئیڈ و اوڈیسی آ دنیا جہان ئے شاعرو ادیبانا متاثر کرتہ۔ آنہی اے نمیرانیں شاعری ہر دور و زمانگا مدام پہ حب وجوز گ وانگ بیت او قدرو ستائش ئے نگاہا چارگ بیت۔
گریک ورومن شاعرو قلمکاراں گریک مائتھالوجی آ قلمبند کرتہ وپہ بنی آدمابے مٹیں سوغاتے ٹاہینتہ ۔ آہان بازپہ زیب وزینت بنی آدم ئے اے اثاثہ آ نمیران کرتہ ۔۔۔ ہومر۔اُووِد ، ہسیاد، وپندار گریک لبزانک ئے نامی وبے مٹیں شاعر بوتگنت۔ گریک مائتھالوجی ئے داستان ہمشانی بے بہائیں وبے مولیں خزانہ انت۔پدا گریک ئے لبزانکا ڈرامہ ئے بے مٹیں تخلیقات پیش کرت۔ یونانی ٹریجڈی ئے مٹ پہ گدارے و دی بیت۔ ایس کائیلس، سوفو کلیس، یوریپیڈ یز ئے ٹریجڈی دنیا ئے ادب ئے شریں بہرانت۔ ہمے ڈولاگریک کامیڈی ئے خالق ارسٹو فینزئے تخلیقات وتی مٹ وت انت۔
